ଆଜି ରୟାଲକୁ ଟକ୍କର ଦେବ ରୟାଲ୍ସ

ଦୁବାଇ (ବଡଖବର ବ୍ୟୁରୋ): ଆଜି ଆଇପିଏଲ ମହାସମରରେ ରୟାଲ ଚ୍ୟାଲେଞ୍ଜର ବେଙ୍ଗାଲୁରୁକୁ ଭେଟିବ ରାଜସ୍ଥାନ ରୟାଲ୍ସ । ଚଳିତ ବର୍ଷ ଉଭୟ ଦଳ ତିନୋଟି ଲେଖାଏଁ ମ୍ୟାଚ ଖେଳିଥିବା ବେଳେ ଦୁଇଟି ଲେଖାଏଁ ମ୍ୟାଚ ଜିତିଛନ୍ତି । ଦୁଇ ଦଳର ପର୍ଫମାନ୍ସ ଭଲ ରହିଛି । ବିରାଟ ବାହିନୀ ଶେଷ ମ୍ୟାଚରେ ଶକ୍ତିଶାଳୀ ମୁମ୍ବାଇ ଇଣ୍ଡିଆନ୍ସକୁ ସୁପର ଓଭରରେ ଚକମା ଦେଇ ଦମଦାର ବିଜୟ ହାସଲ କରିଥିଲା । ଆଜିର ମ୍ୟାଚରେ ଦଳ ରୟାଲ୍ସକୁ ହରାଇ ବିଜୟ ଧାରା ଜାରି ରଖିବ ବୋଲି ପ୍ରଂଶସକମାନେ ଆଶା ରଖିଛନ୍ତି । ସେପଟେ ଯୁବ ଖେଳାଳି ଖଚିତ ରାଜସ୍ଥାନ ରୟାଲ୍ସ ଶେଷ ମ୍ୟାଚରେ କୋଲକାତା ନାଇଟ୍ ରାଇଡର୍ସଠାରୁ ପରାଜୟ ବରଣ କରିଥିଲା । ଆଜିର ମ୍ୟାଚରେ ଦଳ ବିଜୟ ହୋଇ ପୁଣିଥରେ ମ୍ୟାଚକୁ ଫେରିବାର ଆଶା ରଖିଛି । ଦଳର ଯୁବ ବ୍ୟାଟ୍ସମ୍ୟାନ ସଞ୍ଜୁ ସାମସନ ଏବଂ ରାହୁଲ ତେବତିଆ ଚଳିତ ବର୍ଷ ଦମଦାର ବ୍ୟାଟିଂ ଜାରି ରଖିଛନ୍ତି ।