ମହାମାରୀର ମହାରୂପ, ଲକ୍ଷେ ଟପିଲା କରୋନା ମୃତ୍ୟୁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ) : ଡେଣା ମେଲାଇ ଚାଲିଛି କରୋନା । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ଗୋଟିଏ ପରେ ଗୋଟିଏ ମୁଣ୍ଡ ନେଇ ଚାଲିଛି ମହାମାରୀ କରୋନା । ଦେଶରେ ଏକ ଲକ୍ଷ ଟପିଛି କରୋନା ମୃତ୍ୟୁ ସଂଖ୍ୟା । ଦିନକରେ ୭୯ହଜାର ୪୭୬ ଜଣ ନୂତନ ଅକ୍ରାନ୍ତ ଚିହ୍ନଟ ହୋଇଥିବା ବେଳେ ୧୦୬୯ଜଣଙ୍କ ମୃତ୍ୟୁ ଘଟିଛି । ଏହାକୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା୬୪ଲକ୍ଷ ୭୩ହଜାର ୫୪୫କୁ ବୃଦ୍ଧିପାଇବା ସହ ଦେଶରେ ମୋଟ କୋରନା ମୃତ୍ୟୁ ସଂଖ୍ୟା ୧ଲକ୍ଷ ୮୪୨ ଟପିଛି । ବର୍ତ୍ତମାନ ଦେଶରେ ମୋଟ ୯ଲକ୍ଷ ୪୪ହଜାର ୯୯୬ଟି ଆକ୍ଟିଭ କେଶ ରହିଥିବା ବେଳେ ଏମାନଙ୍କ ମଧ୍ୟରୁ ୫୪ଲକ୍ଷ ୨୭ ହଜାର ୭୦୬ ଜଣ ସୁସ୍ଥ ହୋଇ ସାରିଛନ୍ତି । ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱଟ କରି ସୂଚନା ଦିଆଯାଇଛି ।