PEOଙ୍କ ଘରୁ ମିଳିଲାଣି ୨ଲକ୍ଷ ୯୮ ହଜାର ଟଙ୍କା

ବରଗଡ଼ (ବଡ଼ ଖବର ବ୍ୟୁରୋ):  ଭିଜିଲାନ୍ସ ଜାଲରେ ବରଗଡ଼ ଜିଲ୍ଲା କଟାଭାଲ ପଞ୍ଚାୟତର ନିର୍ବାହୀ ଅଧିକାରୀ (PEO) କାର୍ତ୍ତିକେଶ୍ୱର ବେହେରା । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କାର୍ତ୍ତିକେଶ୍ୱରଙ୍କ ସମ୍ପତ୍ତି ଉପରେ ଭିଜିଲାନ୍ସ ପକ୍ଷରୁ ଚଢ଼ାଉ ଜାରି ରହିଛି । ଭିଜିଲାନ୍ସ ଟିମ୍ ଏକକାଳୀନ ଭାବେ ୬ଟି ସ୍ଥାନରେ ଚଢ଼ାଉ କରୁଛି । ଗାଏସିଲଟ୍ ଅଞ୍ଚଳରେ ଥିବା କାର୍ତ୍ତିକେଶ୍ୱରଙ୍କ ଦୁଇ ମହଲା ଘର ସହ ଗୋଟିଏ ମାର୍କେଟ କମ୍ପ୍ଲେକ୍ସ ଠାବ ହୋଇଛି ।

ଏହାସହ ଗୋଟିଏ ଗୋଦାମ ଘର ଏବଂ ନିର୍ମାଣାଧୀନ ୪ ମହଲା କୋଠା ମଧ୍ୟ ଭିଜିଲାନ୍ସ ଟିମ୍ ନଜରକୁ ଆସିଛି। କାର୍ତ୍ତିକେଶ୍ୱରଙ୍କ ପୈତୃକ ଘର କନ୍ଦାଗାଡ଼ରେ ମଧ୍ୟ ଚଢ଼ାଉ ଚାଲିଛି। ଏଥିସହ ତାଙ୍କ ଅଫିସ୍ ଚାମ୍ବରରେ ମଧ୍ୟ ଭିଜିଲାନ୍ସ ଅଧିକାରୀମାନେ ଯାଞ୍ଚ କରୁଛନ୍ତି । କଟାଭାଲ PEOଙ୍କ ଘରୁ ମିଳିଲାଣି ୨.୯୮ ଲକ୍ଷ ଟଙ୍କା । ପୈତୃକ ଘର କନ୍ଦାଗାଡ଼ରୁ ଭିଜିଲାନ୍ସ ରେଡ୍‌ ବେଳେ ଜବତ ହେଲା ଟଙ୍କା । ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ PEOଙ୍କ ଘରେ ଚାଲିଛି ରେଡ୍‌ । PEO କାର୍ତ୍ତିକେଶ୍ବର ବେହେରାଙ୍କ ପୈତୃକ ଘର ସମେତ ୬ଟି ସ୍ଥାନରେ ଚାଲିଛି ରେଡ୍‌ ।