ସମ୍ବଲପୁରରେ ବିଭତ୍ସ ହତ୍ୟାକାଣ୍ଡ

ସମ୍ବଲପୁର (ବଡ଼ ଖବର ବ୍ୟୁରୋ): ସମ୍ବଲପୁର ସହରରେ ପୁଣି ଏକ ହତ୍ୟାକାଣ୍ଡ । ସହରର ଟାଉନଥାନା ଅନ୍ତର୍ଗତ ହାଉସିଂ ବୋର୍ଡ଼ କଲୋନୀ ସମ୍ମୁଖରେ ଆଜି ସନ୍ଧ୍ୟା ୮ ଟାରେ ଏହି ହତ୍ୟାକାଣ୍ଡ ଘଟିଥିବା ଅଭିଯୋଗ ହୋଇଛି। ମୃତ ବ୍ୟକ୍ତି ଜଣକ ହେଲେ ଭିମସେନ ଗୁରୁ। ହତ୍ୟାକାରୀଙ୍କୁ ଶିଘ୍ର ଧରାଯିବା ସହ କଠୋର ଦଣ୍ଡ ଦିଆଯାଉ ବୋଲି କହିଛନ୍ତି ଭିମସେନଙ୍କ ଭାଇ । ଏହି ହତ୍ୟାକାଣ୍ଡ ପୂର୍ବ ଶତ୍ରୁତାକୁ ନେଇ ହୋଇଥିବା ପୋଲିସ ଅନୁମାନ କରୁଛି ।
ଭୀମସେନ କିଛିଦିନ ହେଲା ଅନଗୁଳରୁ ସମ୍ବଲପୁର ଆସିଥିଲେ। ତେବେ କାହା ସହିତ କଣ ଶତ୍ରୁତା ରହିଛି ସେନେଇ ଟାଉନ ଥାନା ପୋଲିସ ଅଧିକ ତଦନ୍ତ କରୁଛି। ସପ୍ତାହେ ମଧ୍ୟରେ ଦୁଇଟି ହତ୍ୟାକାଣ୍ଡ ଘଟିଲାଣି। ପ୍ରଥମ ହତ୍ୟାକାଣ୍ଡର ଅଭିଯୁକ୍ତକୁ ପୋଲିସ ଧରି ନଥିବା ବେଳେ ଏବେ ଦ୍ୱିତୀୟ ଘଟଣା ସହରବାସୀଙ୍କ ମନରେ ଭୟର ବାତାବରଣ ଖେଳିଯାଇଛି ।