ସୁପ୍ରିମକୋର୍ଟରେ ଖାରଜ ହେଲା ଜନସ୍ୱାର୍ଥ ମାମଲା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସଂସଦ ଭବନ ନୂଆ ବିଲଡିଂ ଉଦଘାଟନ ୨୮ ତାରିଖରେ ହେବାକୁ ଥିବା ବେଳେ । ଏହାକୁ ନେଇ ରାଜନୈତିକ ହାଇଡ୍ରାମା ଜୋର ଧରିବାରେ ଲାଗିଛି । ଉଦଘାଟନ ସମାରୋହକୁ ସ୍ମରଣୀୟ କରିବାକୁ ଶାସକ ଦଳ ଲାଗିପଡିଥିବା ବେଳେ ବିପକ୍ଷ ଦଳ ମଧ୍ୟ ଏହାକୁ ଜୋରଦାର ବିରୋଧ କରୁଛନ୍ତି । ନୂତନ ସାଂସଦ ଭବନ ରାଷ୍ଟ୍ରପତି ଉଦଘାଟନ କରନ୍ତୁ ବୋଲି ଦାବି କରି ସୁପ୍ରିମକୋର୍ଟର ଦ୍ୱାରସ୍ତ ହୋଇଛନ୍ତି ବିରୋଧୀ । ଏ ନେଇ ସୁପ୍ରିମକୋର୍ଟରେ ଏକ ଜନସ୍ୱାର୍ଥ ମାମଲା ଦାଖଲ ହୋଇଥିଲା । ଏହି ପିଆଇଏଲକୁ ସୁପ୍ରିମକୋର୍ଟ ଆଇନଜୀବୀ ସିଆର ଜୟ ସୁକିନ ଦାଖଲ କରିଥିଲେ । ଏହି ମାମଲାକୁ ନେଇ ବିବାଦ ଦିନକୁ ଦିନ ବଢୁଥିବା ବେଳେ ଆଜି ସୁପ୍ରିମକୋର୍ଟ ଏହାର ଶୁଣାଣି କରିଛନ୍ତି । ଉପଯୁକ୍ତ ତଥ୍ୟ ପ୍ରମାଣ ଅଭାବରୁ ସୁପ୍ରିମକୋର୍ଟ ଏହି ମାମଲାକୁ ଖାରଜ କରିଛନ୍ତି । ମେ ୨୮ ତାରିଖରେ ସଂସଦ ଭବନ ଉଦଘାଟନ କରିବେ ପ୍ରଧାନମନ୍ତ୍ରୀ ।