ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମଣିପୁରରେ ଥମୁନି ହିଂସା । ଜାରି ରହିଛି ସଂଘର୍ଷ । ହିଂସା ଘଟଣାକୁ ନେଇ ବିଜେପିକୁ ଟାର୍ଗେଟ କରିଛନ୍ତି କଂଗ୍ରେସ ନେତା ଶଶୀ ଥରୁର । ରାଜ୍ୟରେ ରାଷ୍ଟ୍ରପତି ଶାସନ ଜାରି କରିବା ପାଇଁ ଦାବି କରିଛନ୍ତି । ଥରୁର ଟ୍ୱିଟ କରି ଲେଖିଛନ୍ତି ଭୋଟ୍ ଦେଇ ‘ବିଜେପି’କୁ କ୍ଷମତାକୁ ଫେରାଇ ଆଣିଥିଲେ ମଣିପୁର ବାସୀ । ଏହାର ମାତ୍ର ବର୍ଷକ ପରେ ମଣିପୁରର ଭୋଟର୍ମାନେ ଅକଳ୍ପନୀୟ ବିଶ୍ୱାସଘାତକତାର ସରବ୍ୟ ହୋଇଥିବା ଭଳି ମନେ କରୁଛନ୍ତି।
As the Manipur violence persists, all right-thinking Indians must ask themselves what happened to the much-vaunted good governance we had been promised. The voters of Manipur are feeling grossly betrayed just a year after putting the BJP in power in their state. It’s time for…
— Shashi Tharoor (@ShashiTharoor) May 7, 2023
ଶଶୀ ଥରୁର ଆହୁରି ମଧ୍ୟ ଲେଖିଛନ୍ତି , ପ୍ରତିଶ୍ରୁତି ଦିଆଯାଇଥିବା ଉଚ୍ଚ ପ୍ରଶଂସିତ ସୁ-ଶାସନର ଅବସ୍ଥା କ’ଣ? ମଣିପୁରରେ ଲାଗି ରହିଥିବା ହିଂସାକାଣ୍ଡରୁ ଭାରତୀୟମାନେ ଚିନ୍ତା କରିବା ଉଚିତ ବୋଲି ସେ କହିଛନ୍ତି । ମଣିପୁରରେ ରାଷ୍ଟ୍ରପତି ଶାସନ ଜାରି ହେବାର ସମୟ ଆସିଛି । ଯେଉଁ କାର୍ଯ୍ୟପାଇଁ ନିର୍ବାଚିତ ହୋଇଥିଲେ, ସେଥି ପାଇଁ ସରକାର ଯୋଗ୍ୟ ନୁହନ୍ତି। ସୂଚନା ଅନୁସାରେ, ମଣିପୁରରେ ସମୁଦାୟ ଜନସଂଖ୍ୟାର ୫୩ ପ୍ରତିଶତରୁ ଅଧିକ ହେଉଛନ୍ତି ଇମ୍ଫାଲ ଉପତ୍ୟକାରେ ପ୍ରାଧାନ୍ୟ ବିସ୍ତାର କରିଥିବା ମଣିପୁରୀ ଓ ଆଦିମ ଜନଜାତି । ମଣିପୁରୀମାନଙ୍କୁ ଅନୁସୂଚିତ ଜନଜାତି ବର୍ଗରେ ଅନ୍ତଭୂକ୍ତ କରିବା ପ୍ରସ୍ତାବ ଏହି ସଙ୍ଘର୍ଷର ମୁଖ୍ୟ କାରଣ ବୋଲି ଜଣାପଡିଛି ।
