ଶିଙ୍କୁଲା ପାସ୍ରେ ହେବ ବିଶ୍ୱର ସର୍ବବୃହତ୍ ଟନେଲ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଶିଙ୍କୁଲା ପାସ୍ରେ ହେବ ବିଶ୍ୱର ସର୍ବବୃହତ୍ ଟନେଲ । ପୂର୍ବ ଲଦାଖ ଓ ହିମାଚଳ ପ୍ରଦେଶକୁ ଯୋଡ଼ିବାକୁ ଥିବା ବିଶ୍ୱର ସର୍ବବୃହତ୍ ସୁଡ଼ଙ୍ଗ ଶିଙ୍କୁଲା ଟନେଲ ନିର୍ମାଣ ପ୍ରସ୍ତାବକୁ ବୁଧବାର କେନ୍ଦ୍ର କ୍ୟାବିନେଟ୍ର ଅନୁମୋଦନ ମିଳିଛି। ସେପଟେ ଚୀନ ସଂଲଗ୍ନ ଏଲ୍ଏସିରେ ଲାଗି ରହିଥିବା ଉତ୍ତେଜନାକୁ ଦୃଷ୍ଟିରେ ରଖି ଭାରତ ଏହାର ପ୍ରତିରକ୍ଷା ଶକ୍ତି ବୃଦ୍ଧି କରିଚାଲିଛି ।
ଏହି କ୍ରମରେ ଚୀନ ସଂଲଗ୍ନ ସୀମା ସୁରକ୍ଷାକୁ ସୁଦୃଢ କରିବା ଲାଗି ସରକାର ଆଉ ୭ଟି ନୂଆ ଆଇଟିବିପି ବାଟାଲିୟନ ଗଠନ କରିବାକୁ ନିଷ୍ପତ୍ତି ନେଇଛନ୍ତି । ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ପ୍ରସ୍ତାବକୁ ଅନୁମୋଦନ ମିଳିଛି । ଏହି ବାଟାଲିୟନ ଗଠନ ଦ୍ବାରା ଆଇଟିବିପିରେ ଆଉ ୯୪୦୦ ଯବାନ ସାମିଲ ହେବେ। ଏହି ନୂଆ ଯବାନ ଏଲ୍ଏସିର ୪୭ଟି ନୂଆ ପୋଷ୍ଟ ଓ ୧୨ରୁ ଅଧିକ ଷ୍ଟେଜିଂ କ୍ୟାମ୍ପରେ ନିୟୋଜିତ ହେବେ।