ଜାଭେଦ ଅଖତରଙ୍କ ଆରଏସଏସ ବୟାନକୁ ନେଇ ଉତ୍ତର ରଖିଲା ଶିବସେନା

ମୁମ୍ବାଇ(ବଡ଼ ଖବର ବ୍ୟୁରୋ): ଆରଏସଏସକୁ ତାଲିବାନ ସହ ତୁଳନା କରିବା ପରେ ଜାଭେଦ ଅଖତରଙ୍କ ଅଡୁଆ ଦିନକୁ ଦିନ ବଢିବାରେ ଲାଗିଛି । ଏହା ମଧ୍ୟରେ ଜାଭେଦଙ୍କୁ କଡା ଜବାବ ଦେଇଛି ଶିବସେନା । ତେବେ ଆରଏସଏସ ସହ ତାଲିବାନକୁ ତୁଳନା କରିବା ଠିକ ନୁହଁ । ଆରଏସଏସର ବିଚାରଧାରା ଯଦି ତାଲିବାନଙ୍କ ପରି ହୁଅନ୍ତା ତାହାଲେ ତିନି-ତଲାଖ ବିରୋଧରେ ଆଇନ ନିର୍ମାଣ କେବେ ବି ହୋଇନଥାନ୍ତା ।

ଏବଂ ଦେଶରେ ଥିବା ଲକ୍ଷ ଲକ୍ଷ ମୁସଲମାନ ମହିଳାଙ୍କୁ ସ୍ୱାଧୀନତା ମିଳିନଥାନ୍ତା । ଏହା ସହ ଦେଶର ବହୁସଂଖ୍ୟକ ହିନ୍ଦୁମାନଙ୍କୁ ଦବାଇବା ପାଇଁ ଚେଷ୍ଟା କରନ୍ତୁ ନାହିଁ । ଅପରପକ୍ଷରେ ଆମ ଦେଶକୁ ହିନ୍ଦୁ ରାଷ୍ଟ୍ର ରୂପେ ପରିଣତ କରିବାକୁ ଚେଷ୍ଟା କରୁଥିବା ସଂସ୍ଥାଗୁଡିକର ଧାରଣା ସଠିକ ବୋଲି ଶିବସେନା କହିଛି ।