ଇଡିରେ ହାଜର ହେଲେ ଟିଏମସି ସାଂସଦ ଅଭିଷେକ ବାନାର୍ଜୀ
ନୁଆଦିଲ୍ଲୀ (ବଡ଼ ଖବର ବ୍ୟୁରୋ): ଇଡିରେ ହାଜର ହେଲେ ଟିଏମସି ସାଂସଦ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀ । ନିକଟରେ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ସମନ ନେଇ ନୋଟିସ ଜାରି କରିଥିଲା । କୋଇଲା ଦୁର୍ନୀତି ମାମଲାରେ ନୂଆଦିଲ୍ଲୀ ଜାମନଗର ସ୍ଥିତ ଇଡି ଅଫିସରେ ସେ ଆଜି ପହଞ୍ଚିଛନ୍ତି । ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ଏହି ଦୁର୍ନୀତି ମାମଲାରେ ପଚରାଉଚରା କରୁଛି ।
ତେବେ ଏପଟେ ଗତକାଲି କୋଲକାତା ବିମାନ ବନ୍ଦରରେ ସାମ୍ବାଦିକ ମାନଙ୍କ ସହ କଥାବାର୍ତ୍ତା କରିବା ବେଳେ ମମତା ବାନାର୍ଜୀ କହିଛନ୍ତି ଯେ , କୌଣସି ବେଆଇନ ଆର୍ଥିକ ମାମଲାରେ ତାଙ୍କର ଯଦି କୌଣସି ସମ୍ପୃକ୍ତି ଥାଏ ତେବେ ସେ ଫାସୀ ଦେଇଦେବେ । ପୂର୍ବରୁ ଇଡି ଏହି କୋଇଲା ଦୁର୍ନୀତି ମାମଲାରେ ଅଭିଷେକ ବାନାର୍ଜୀ ଓ ତାଙ୍କ ପତ୍ନୀ ଉଭୟଙ୍କୁ ସମନ ପାଇଁ ନୋଟିସ ଜାରିକରିଥିଲା । କିନ୍ତୁ ଅଭିଷେକ ବାନାର୍ଜୀଙ୍କ ପତ୍ନୀ ରୁଜିରା ଇଡି ସମ୍ମୁଖରେ ହାଜର ହେବା ପାଇଁ ମନା କରିଦେଇଥିଲେ ।
ସେପଟେ ଇଡିର ଏଭଳି ଡାକରାକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଗିଯାଇଛନ୍ତି । ମୋଦୀ ସରକାରଙ୍କୁ ସେ କଡା ଭାଷାରେ ସମାଲୋଚନା କରିଛନ୍ତି । ଆଉ କହିଛନ୍ତି ଯେ ମୋଦି ଦେଶର ସଂଘୀୟ ସରକାରକୁ ନଷ୍ଟ କରୁଛନ୍ତି ।
