ଭୁବନେଶ୍ୱର(ବଡ଼ ଖବର ବ୍ୟୁରୋ): ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖଙ୍କ ଅଡ଼ୁଆ ଦିନକୁ ଦିନ ବଢିବାରେ ଲାଗିଛି । ଦେଶମୁଖଙ୍କ ତଦନ୍ତ ରିପୋର୍ଟ ଲିକ କରିଥିବାରୁ ସବ-ଇନ୍ସପେକ୍ଟରଙ୍କୁ ଆଇଫୋନ ୧୨ ପ୍ରୋ ମୋବାଇଲ ମିଳିଥିବାର କଥା ସାମ୍ନାକୁ ଆସିଛି । ତେବେ ଦେଶମୁଖଙ୍କ ଓକିଲ ଆନନ୍ଦ ଡାଗା ତଦନ୍ତ ରିପୋର୍ଟ ଲିକ କରିବା ପାଇଁ ସମ୍ପୃକ୍ତ ପୁଲିସ ଅଧିକାରୀ ଅଭିଷେକ ତିୱାରୀଙ୍କୁ ଏହା ଦେଇଥିବାର ସୂଚନା ମିଳିଛି ।
ଅପରପକ୍ଷେ ଦେଶମୁଖଙ୍କ ଓକିଲ ଓ ସମ୍ପୃକ୍ତ ଅଧିକାରୀ ଜଣଙ୍କୁ ତଦନ୍ତକୁ ପ୍ରଭାବିତ କରିବା ନେଇ ଗିରଫ କରାଯାଇଛି । ଅନ୍ୟପପଟେ ଅନୀଲ ଦେଶମୁଖଙ୍କ ବିରୋଧରେ ମୁମ୍ବାଇର ପୂର୍ବତନ ପୁଲିସ ମୁଖ୍ୟ ପରମବୀର ସିଂହ ଦୁର୍ନୀତି ଅଭିଯୋଗ ଆଣିବା ପରେ ଦେଶମୁଖ ଏପ୍ରିଲ ମାସରେ ନିଜ ପଦରୁ ଇସ୍ତଫା ଦେଇଥିଲେ ।
