ଚନ୍ନିଙ୍କୁ ଭେଟିବେ ସିଦ୍ଧୁ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗତ ଦୁଇ ଦିନ ଧରି ପଞ୍ଜାବରେ ଚାଲିଲା ଇସ୍ତଫା ନାଟକ । ପିସିସି ସଭାପତି ପଦରୁ ନବଜ୍ୟୋତ ସିଂହ ସିଦ୍ଧୁ ଇସ୍ତଫା ଦେବା ପରେ ତାଙ୍କ ସମର୍ଥନରେ ଦୁଇ ଜଣ ମନ୍ତ୍ରୀ ମନ୍ତ୍ରୀପରିସଦରୁ ଇସ୍ତଫା ଦେଲେ । ସଙ୍ଗଠନର ପଦପଦବୀରେ ଥିବା କେଇ ଜଣଙ୍କ ଇସ୍ତଫା ପରେ ଆଜି ଆଲୋଚନା କରିବା ପାଇଁ ମାନିଛନ୍ତି ନବଜୋତ ସିଂହ ସିଦ୍ଧୁ।
Chief Minister has invited me for talks … will reciprocate by reaching Punjab Bhawan, Chandigarh at 3:00 PM today, he is welcome for any discussions !
— Navjot Singh Sidhu (@sherryontopp) September 30, 2021
ଆଜି ଚଣ୍ଡିଗଡ ଯାଇ ମୁଖ୍ୟମନ୍ତ୍ରୀ ଚନ୍ନିଙ୍କୁ ସେ ଭେଟିବେ। ଏନେଇ ସେ ନିଜେ ଟ୍ୱିଟ କରି ଏହି ସୂଚନା ଦେଇଛନ୍ତି। ସିଦ୍ଧୁ ଟ୍ୱିଟ କରି କହିଛନ୍ତି, ‘ ମୋତେ ଆଲୋଚନା ପାଇଁ ଡାକରା ହୋଇଛି। ମୁଖ୍ୟମନ୍ତ୍ରୀ ମୋତେ ଡକାଇଛନ୍ତି। ଅଜି ଅପରାହ୍ଣରେ ଚଣ୍ଡିଗଡ ଯାଇ ପଞ୍ଜାବ ଭବନରେ ଚନ୍ନିଙ୍କୁ ଜାବବ ଦେବି। ଯେ କୌଣସି ଚର୍ଚ୍ଚା ପାଇଁ ମୁଁ ତାଙ୍କୁ ସ୍ୱାଗତ କରୁଛି।’ ଉଲ୍ଲେଖ ଯୋଗ୍ୟ ଯେ, ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନିଙ୍କୁ ସିଦ୍ଧୁଙ୍କ ଆଲୋଚନା ପାଇଁ ଫୋନରେ ଆମନ୍ତ୍ରିତ କରିଥିଲେ। ତେବେ ଏହି ଆମନ୍ତ୍ରଣକୁ ସିଦ୍ଧୁ ସ୍ୱୀକାର କରିଛନ୍ତି।