ମୁମ୍ବାଇ(ବଡ଼ ଖବର ବ୍ୟୁରୋ): ମୁମ୍ବାଇର ଆରବ ସାଗରରରୁ ୧୪୬ ଲୋକ ଉଦ୍ଧାର । ଗଭୀର ସମୁଦ୍ରରୁ ଏହି ଲୋକମାନଙ୍କୁ ଉଦ୍ଧାର କରିଛି ଭାରତୀୟ ନୌସେନା । ସାମୁଦ୍ରିକ ଝଡ ତାଉତେ ଗୁଜରାଟ ଉପକୂଳରେ ସ୍ଥଳଭାଗ ଛୁଇଁବା ପରେ ପବନର ବେଗ ଘଣ୍ଟା ପ୍ରତିଥିଲା ୧୮୫କିମି । ମୁମ୍ବାଇରେ ମଧ୍ୟ ଏହାର ପ୍ରଭାବ ଅନୁଭୂତ ହୋଇଥିଲା । ଫଳରେ ସମୁଦ୍ର ନିକଟରେ ବସବାସ କରୁଥିବା ଲୋକଙ୍କ ମଧ୍ୟରୁ ଅନେକ ନିଖୋଜ ହୋଇଯାଇଥିଲେ ।
ଆରବ ସାଗରରେ ନିୟୋଜିତ ଆଇଏନଏସ କଲିକତା ୧୪୬ ଲୋକଙ୍କୁ ଉଦ୍ଧାର କରିଛି । ଭାରତୀୟ ନୌସେନା ପକ୍ଷରୁ ମୁତୟନ ହୋଇଥିବା ଆଗଧାଡିର ୩ ଯୁଦ୍ଧପୋତ ମଙ୍ଗଳବାରଠାରୁ ଆଜି ପର୍ଯ୍ୟନ୍ତ ମୋଟ୍ ୪୧୦ଜଣଙ୍କୁ ଉଦ୍ଧାର କରିଛି । ଆଇଏନଏସ କୋଲକାତା ୧୪୬ଜଣଙ୍କୁ ଉଦ୍ଧାର କରିଥିବା ବେଳେ ଆଇଏନଏସ କୋଚି ଓ ଆଇଏନଏସ ତଲୱାର ଅବଶିଷ୍ଠ ଲୋକଙ୍କୁ ଉଦ୍ଧାର କରିଛି ।
ପ୍ରତିକୂଳ ପରିସ୍ଥିତିରେ ଜୀବନକୁ ବାଜିଲଗାଇ ନୌସେନାର ଯବାନମାନେ କେବଳ ମଙ୍ଗଳବାର ସକାଳେ ୧୩୨ଜଣଙ୍କୁ ଗଭୀର ସମୁଦ୍ରରୁ ଉଦ୍ଧାର କରିଥିଲେ । ବର୍ତ୍ତମାନ ସୁଦ୍ଧା ମୁମ୍ବାଇରେ ୧୨୭ଜଣ ନିଖୋଜ ଥିବାରୁ ସେମାନଙ୍କୁ ଠାବ କରିବା ଲାଗି ନୌସେନା ଦିନରାତି ଏକ କରିଦେଇଛି ।
