ସୌରଶକ୍ତିରେ ଗଡ଼ୁଛି ବାଇକ
ରାୟଗଡ଼ା(ବଡ଼ ଖବର ବ୍ୟୁରୋ): ପେଟ୍ରୋଲ ଦର ବଢିଲେବି ଆଉ ଫରକ ପଡ଼ିବନି । ଲୋକଙ୍କ ପକେଟକୁ ବି ବାଧିବନି । କାରଣ ଏବେ ସୌର ଶକ୍ତିରେ ଗଡ଼ିବ ଗାଡ଼ି । ରାୟଗଡ଼ା ଉକ୍ରଳ ଗୌରବ ମଧୁସୁଦନ ବୈଷୟିକ ଶିକ୍ଷାନୁଷ୍ଠାନର ଛାତ୍ରଛାତ୍ରୀଙ୍କ କମାଲ । ବଡ଼ୁଥିବା ପେଟ୍ରୋଲ ଡିଜେଲ ଦରକୁ ଦେଖି ତିଆରୀ କଲେ ସୋଲାର୍ ବାଇକ୍ । ଲକଡାଉନରେ ସମସ୍ତେ ଘରେ ବସି ସମୟ କଟାଉଥିବା ବେଳେ ସମୟରର ସଠିକ ଉପଯୋଗ କରି ସୋଲାର ବାଇକ ତିଆରୀ କରିଛନ୍ତି ଛାତ୍ରଛାତ୍ରୀ । ବାଇକରେ ଉପରେ ୪ଟି ସୋଲାର ପ୍ୟାନେଲ ଖଞ୍ଜିବାପରେ ଜକ୍ କଣ୍ଟ୍ରୋଲ ମାଧ୍ୟମରେ ୪ଟି ବ୍ୟଟେରୀକୁ ସଂଯୋଗ କରି ବାଇକ ପ୍ରସ୍ତୁତ କରିଛନ୍ତି ଛାତ୍ରଛାତ୍ରୀ ମାନେ । ଯେଉଁଥି ପାଇଁ ତାଙ୍କୁ ମାତ୍ର ୪୦ରୁ୪୫ ହଜାର ଟଙ୍କା ଖର୍ଚ୍ଚ କରିବା ପାଇଁ ପଡ଼ିଛି ।
ଏହା ଯେ ଖାଲି ପଇସା ବଞ୍ଚେଇବ ତାହା ନୁହେଁ ବରଂ ପ୍ରଦୂଷଣକୁ ମଧ୍ୟ କମ କରିବାରେ ସହାୟକ ହେବ ବୋଲି କହିଛନ୍ତି ଛାତ୍ରଛାତ୍ରୀ । ଛାତ୍ରଛାତ୍ରୀଙ୍କ ଏହି ସଫଳତା ପାଇଁ କଲେଜ କତୃପକ୍ଷଙ୍କ ସହ ଅଞ୍ଚଳବାସୀ ଶଭେଚ୍ଛ ଜଣାଇଛନ୍ତି । ତେବେ ଏହି ସୋଲାର ବାଇକକୁ ସରକାର ପ୍ରୋତ୍ସାହନ ଯୋଗାଇଦେଲେ ଆଗମୀ ଦିନରେ ଏହା ଜନାଦୃତ୍ତ ହୋଇପାରିବ ବୋଲି ମତ ରଖିଛନ୍ତି ସ୍ଥାନୀୟ ଲୋକେ ।