ଏନସିବି ଆଗରେ କାନ୍ଦିଲେ ଆର୍ଯ୍ୟନ୍

ମୁମ୍ବାଇ(ବଡ଼ ଖବର ବ୍ୟୁରୋ):   ଡ୍ରକ୍ସ ମାମଲାରେ ଛନ୍ଦି ହୋଇଛନ୍ତି ବଲିଉଡ ବାଦଶାହା ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ୍ । ଗତକାଲି ତାଙ୍କୁ ପୋଲିସ ଡ୍ରକ୍ସ ଲିଙ୍କ ମାମାଲାରେ ଗିରଫ କରିଥିଲା । ତେବେ ଆଜି ଆର୍ଯ୍ୟନ ଏନସିବି ଆଗରେ ସବୁକିଛି ସତ ମାନି ନେଇଛନ୍ତି । ଏନସିବିର ଜେରା ବେଳେ ଆର୍ଯ୍ୟନ କାନ୍ଦି ପାକାଇଥିଲେ । ନିଜ କୋହକୁ ଅଟକାଇ ପାରି ନଥିଲେ । ଆଉ ଶେଷରେ ଏନସିବି ସମ୍ମୁଖରେ ସବୁ କିଛି ସତ ମାନି ଖୋଲି କହିଛନ୍ତି  ଆର୍ଯ୍ୟନ । ଶନିବାର ରେଭ ପାର୍ଟିରେ ସାମିଲ ହେବା ଅଭିଯୋଗରେ ସେ ଧରା ପଡିଥିଲେ । ପରେ ରବିବାର ଏନସିବି ତାଙ୍କୁ ଗିରଫ କରିଛି । ଗିରଫ ପରେ ଅଧିକ ପଚରାଉଚରା ମଧ୍ୟ କରୁଛି । ନିଜେ ଡ୍ରଗସ ନେଉଥିବା କଥା ମାନିଛନ୍ତି ଆର୍ଯ୍ୟନ । ସେ ଗତ ୪ ବର୍ଷ ହେଲା ଲଗାତାର ଡ୍ରଗସ ନେଉଥିବା କଥା ସ୍ୱୀକାର କରିଛନ୍ତି ।

ସୂତ୍ରରୁ ଜଣପଡିଛି ଯେ, କିଙ୍କଖାନ୍ ତାଙ୍କ ପୁଅ ଆର୍ଯ୍ୟନଙ୍କ ସହ ଫୋନରେ କଥା ହୋଇଛନ୍ତି । ଆଇନ ଆନୁସାରେ ଆର୍ଯ୍ୟନ ଗିରଫ ହେବା ପରେ, ଏନସିବି ଶାହାରୁଖଙ୍କୁ ତାଙ୍କ ପୁଅ ସହ କଥା କରେଇଥିଲେ । ତେବେ ଆର୍ଯ୍ୟନ ଏନସିବିର ପଚରାଉଚରା ବେଳେ କାନ୍ଦିଥିବା ଜଣ ପଡିଛି । ଅନେକ ପଚରାଉଚରା ପରେ ଏନସିବି ଜାଣିବାକୁ ପାଇଥିଲା ଯେ, ଆର୍ଯ୍ୟନ ବର୍ଷେ କି ୨ ବର୍ଷ ନୁହେଁ ଗତ ୪ ବର୍ଷ ହେବ ସେ ଏହି ନିଶା ସେବନ କରୁଛନ୍ତି । ଖାଲି ଏତିକି ନୁହେଁ ସେ ୟୁକେ, ଦୁବାଇ ଓ ଅନ୍ୟ ଦେଶରେ ବି ଡ୍ରଗସ ନେଉଥିବା କଥା ମାନିଛନ୍ତି । ଆର୍ଯ୍ୟନ ଡ୍ରଗସ କିଣା ବିକାରେ ବି ସାମିଲ ଥିବା କଥା ସାମ୍ନାକୁ ଆସିଛି ।

ଏହି ମାମାଲାରେ ପୋଲିସ ଆର୍ଯ୍ୟନଙ୍କ ସମେତ ଅନ୍ୟ ଅଭିଯୁକ୍ତଙ୍କୁ ମଧ୍ୟ ଗିରଫ କରିଛି । ସମସ୍ତଙ୍କ ଫୋନ ଜବତ କରିବା ସହ ଫୋନର ମେସେଜ ଖୋଳାତାଡ କରିଛି । ଖୋଳାତାଡ ବେଳେ ଡ୍ରଗ୍ସ ସେଲର ଓ ପେଡେଲରଙ୍କ ସହ ଲିଙ୍କରେ ଥିବା କଥା ସାମ୍ନାକୁ ଆସିଛି । ଏନସିବି ଉଭୟ ଆର୍ଯ୍ୟନ ଓ ଅରବାଜଙ୍କୁ ମୁହାଁମୁହିଁ ବସାଇ ଜେରା କରିଛି । ଗତକାଲିର ଚଢାଉ ପରେ ଏନସିବି ବିପୁଳ ପରିମାଣର ଡ୍ରଗସ ଜବତ କରିଥିଲା ।