![](https://i0.wp.com/badakhabar.in/wp-content/uploads/2024/07/fgdfgdfg.jpg?fit=807%2C544&ssl=1)
ସୋର (ବଡ଼ ଖବର ବ୍ୟୁରୋ): ଦୁଇ ଦିନ ଧରି ମିଳିତ ଟିମର ଚଢାଉ, ୩ କ୍ରସର ସିଲ ୧୫ଟି କ୍ରସରର କାଗଜ ପତ୍ର ଯାଞ୍ଚ । ଖଇରା ତହସିଲ ଅଧିନ ଶାରିଖୁଆ ପାହାଡ ନିକଟରେ ବହୁ ବେଆଇନ କ୍ରସର ଚାଲିଥିବା ବେଳେ ଗୁରୁବାର କ୍ରସର ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ଆଞ୍ଚଳିକ ଅଧିକାରୀ ଭିମଚରଣ ମାରାଣ୍ଡିଙ୍କ ନେତୃତ୍ୱରେ ବିଭିନ୍ନ ବିଭାଗର ଅଧିକାରୀଙ୍କୁ ନେଇ ଟିମ ଗଠନ କରାଯାଇ କୁପାରୀ ଅଞ୍ଚଳରେ ଚାଲିଥିବା କ୍ରସର ଗୁଡିକର କାଗଜ ପତ୍ର ଯାଞ୍ଚ କରାଯାଇଛି । ଗତକାଲି ଏହି ଚଢାଉରେ ୧୦ଟି କ୍ରସରର ଆଜି ୫ ଟି କ୍ରସର ଖାତାପତ୍ର ଯାଞ୍ଚ ସାଙ୍ଗକୁ ଓ ପ୍ରଦୂଷଣ ରୋକିବାକୁ ନିଆଯାଇଥିବା ପଦକ୍ଷେପ ଉପରେ ଗୁରୁତ୍ଵ ଦିଆଯାଇଥିଲା । ବେଆଇନ ଭାବେ ଚାଲିଥିବା ୩ଟି କ୍ରସରକୁ ସିଲ୍ କରାଯାଇଛି ।
ଉକ୍ତ ଟିମରେ ଜିଲ୍ଲା ଖଣି ଅଧିକାରିଣୀ ସନ୍ତୋଷିପ୍ରଭା ସେଠୀ, ଫରେଷ୍ଟର ନରେଶ ସିଂ,ରେଞ୍ଜର ମନୋରଞ୍ଜନ ନାୟକ, ଖଇରା ତହସିଲଦାର ସବ୍ୟସାଚୀ ଜେନା, ଅତିରିକ୍ତ ତହସିଲଦାର ସନ୍ଦୀପ ଶୁଭଦର୍ଶନୀ ଧଳ, ଖଇରା ଥାନା ଆଇଆଇସି ଗୟାଧର ବେହେରା ପ୍ରମୁଖ ସାମିଲ ହୋଇଥିଲେ । ସେହିଭଳି ଶୁକ୍ରବାର ଅନ୍ୟ କ୍ରସର ଗୁଡିକ ଯାଞ୍ଚ କରାଯାଇଛି । କାଗଜପତ୍ର ଓ ଅନ୍ୟାନ୍ୟ ଆନୁସଙ୍ଗିକ ତଥ୍ୟ ଉପରେ ସମୀକ୍ଷା କରାଯିବା ପରେ ବାକି କ୍ରସର ଗୁଡିକ ସମ୍ପର୍କରେ ନିଷ୍ପତ୍ତି ନିଆଯିବ ବୋଲି ଜିଲ୍ଲା ଖଣି ଅଧିକାରଣୀ ସନ୍ତୋଷିନୀ ସେଠୀ କହିଛନ୍ତି ।