ଝାରସୁଗୁଡ଼ାରୁ ଉଡ଼ିବ ସ୍ପାଇସଜେଟ୍

ଝାରସୁଗୁଡା(ବଡ଼ ଖବର ବ୍ୟୁରୋ): ଝାରସୁଗୁଡାରୁ ମୁମ୍ବାଇ ଓ ବେଙ୍ଗାଲୁରୁକୁ ଚାଲିବ ବିମାନ । ଆସନ୍ତା ୧୨ ତାରିଖରୁ ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନବନ୍ଦରରୁ ଆରମ୍ଭ ହେବ ମୁମ୍ବାଇ-ଝାରସୁଗୁଡା-ବେଙ୍ଗାଲୁରୁ ବିମାନ ସେବା । ଏଥିପାଇଁ ସ୍ପାଇସଜେଟ୍ ପକ୍ଷରୁ ସମୟ ତାଲିକା ପ୍ରକାଶ କରାଯାଇଛି । ସପ୍ତାହକୁ ୪ ଦିନ ଏହି ବିମାନ ସେବା ଉପଲବ୍ଧ ହେବ । ମଙ୍ଗଳବାର, ଗୁରୁବାର, ଶନିବାର ଓ ରବିବାର ଦିନ ଏହି ରୁଟରେ ବିମାନ ଉଡାଣ କରିବ । ଏହା ଦ୍ୱାରା ପଶ୍ଚିମ ଓଡିଶାର ଅର୍ଥନୀତି ଆହୁରି ବୃଦ୍ଧି ପାଇବା ସହ ଲୋକଙ୍କ ଆବଶ୍ୟକତା ପୂରଣ କରି ହେବ ।