ବିଜେପିରେ ଯୋଗ ଦେଲେ ଶ୍ରେୟାସୀ ସିଂ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିହାରର ପୂର୍ବତନ ବରିଷ୍ଠ ନେତା ଦୀପାବଳି ସିଂଙ୍କ ଝିଅ ଶ୍ରେୟାସୀ ସିଂ ରବିବାର ବିଜେପିରେ ଯୋଗଦେଇଛନ୍ତି । ଭୁପେନ୍ଦ୍ର ଯାଦବଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି ଶ୍ରେୟାସୀ । ପରେ ସେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡାଙ୍କୁ ଭେଟିଛନ୍ତି । ଶ୍ରେୟସୀଙ୍କ ମା ପୁତୁଲ ସିଂ ମଧ୍ୟ ସାଂସଦ ଅଛନ୍ତି । ଶ୍ରେୟାସୀ ଆଗାମୀ ବିହାର ବିଧାନସଭା ନିର୍ବାଚନରେ ବିଜେପି ପକ୍ଷରୁ ନିର୍ବାଚନ ଲଢିବେ ବୋଲି ଚର୍ଚ୍ଚା ହେଉଛି । ଉଲ୍ଲେଖଯୋଗ୍ୟ, ଗତ ୨୦୧୪ରେ ଗ୍ଲାସଗୋ କମନୱେଲଥ ଗେମ୍ସରେ ଶ୍ରେୟାସୀ ଶୁଟିଂରେ ଡବଲ ଟ୍ରାପରେ ରୌପ୍ୟ ପଦକ ଜିତିଥିଲେ । ଆଗାମୀ ବିହାର ବିଧାନସଭା ନିର୍ବାଚନରେ ଶ୍ରେୟାସୀ ବାଙ୍କା କିମ୍ବା ଜାମୁଇ ବିଧାନସଭା ଆସନରୁ ପ୍ରତିଦ୍ୱନ୍ଦିତା କରିବେ ବୋଲି ଆଶା କରାଯାଉଛି ।