ତହସିଲ ଅଫିସ ଆଗରେ ଆତ୍ମାହୂତି ଉଦ୍ୟମ
ସାଲେପୁର (ବଡ଼ ଖବର ବ୍ୟୁରୋ): କଟକ କିଶନନଗର ବିଶ୍ବାଳପଡା ଶୀତଳ ଭଣ୍ଡାରରେ ବାରମ୍ବାର ଗ୍ୟାସ ଲିକ୍ ଘଟଣାର ତଦନ୍ତ କରିବା ସହ ତୁରନ୍ତ ଶୀତଳ ଭଣ୍ଡାରକୁ ବନ୍ଦ କରିବା ଦାବିରେ ସ୍ଥାନୀୟ ମହିଳାମାନେ କିଶନନଗର ତହସିଲଦାର ଅଫିସ ସମ୍ମୁଖରେ ଆତ୍ମାହୂତି ଉଦ୍ୟମ କରିଛନ୍ତି। ଦୀର୍ଘଦିନ ଧରି ସମ୍ପୃକ୍ତ ଶୀତଳ ଭଣ୍ଡାରରୁ ଗ୍ୟାସ ଲିକ୍ ହେବା ଫଳରେ ସ୍ଥାନୀୟ ଅଞ୍ଚଳରେ ଗାଈଗୋରୁଙ୍କଠାରୁ ଆରମ୍ଭ କରି ମଣିଷଙ୍କ ଦେହ ଖରାପ ହେଉଥିବା ସେମାନେ ଅଭିଯୋଗ କରିଛନ୍ତି।
ସ୍ଥାନୀୟ ତହସିଲଦାରଙ୍କ ଠାରୁ ଆରମ୍ଭ କରି ଜିଲ୍ଲାପାଳଙ୍କୁ ଏ ବାବଦରେ ଅବଗତ କରେଇଥିଲେ ମଧ୍ୟ କୌଣସି ସୁଫଳ ମିଳୁନି ବୋଲି ସେମାନେ ଅଭିଯୋଗ କରିଛନ୍ତି। ସେମାନେ ମଙ୍ଗଳବାର କିରୋସିନ ଜାର ଧରି ଆତ୍ମାହୂତି କରିବା ପାଇଁ କିଶନନଗର ତହସିଲ ଅଫିସ ସାମ୍ନାକୁ ଆସିଥିଲେ । ସେହି ସମୟରେ କିଶନନଗର ପୋଲିସ ଘଟଣା ସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରି କିରୋସିନ ଜାର ଓ ଡ଼ିଆସିଲି ଜବତ କରିବା ସହ ସେମାନଙ୍କୁ ବୁଝାସୁଝା କରିଛି। ତହସିଲଦାର କାର୍ଯ୍ୟାଳୟରେ ଉପସ୍ଥିତ ନଥିବାରୁ ତାଙ୍କ ପ୍ରତିକ୍ରିୟା ମିଳିପାରି ନାହିଁ।
