ଗଣମାଧ୍ୟମ ପ୍ରତିନିଧିଙ୍କୁ ଫରେଷ୍ଟ ଅଧିକାରୀଙ୍କ ଧମକ
ସୁକିନ୍ଦା(ବଡ଼ ଖବର ବ୍ୟୁରୋ): ଗଣମାଧ୍ୟମ ପ୍ରତିନିଧିଙ୍କୁ ମାଡ଼ ମାରିବାକୁ ଧମକ ଦେଉଛନ୍ତି ଫରେଷ୍ଟ ଅଧିକାରୀ । ଦୁର୍ନୀତି ବିଷୟରେ ପଚାରିବାରୁ ବୁମ ଠେଲିବା ସହ ମାଡ଼ ମାରିବାକୁ ଧମକ ଦେଉଛନ୍ତି ସୁକିନ୍ଦା ବନ ବିଭାଗ ଫରେଷ୍ଟ ଅଧିକାରୀ । ଯାଜପୁର ଜିଲ୍ଲା ସୁକିନ୍ଦା ବନ ବିଭାଗର ଦାଦାଗିରି ସାମ୍ନାକୁ ଆସିଛି । ସୁକିନ୍ଦା ଅଞ୍ଚଳରେ ଅନେକ ସ୍ଥାନରେ ଚାରା ଘୋଟାଲା ହୋଇଥିବା ନେଇ ସୁକିନ୍ଦା ବନ ବିଭାଗ ଅଧିକାରୀଙ୍କୁ ପଚାରିବାରୁ ଆକାଉଣ୍ଟ ଅଧିକାରୀ ପ୍ରତିନିଧିଙ୍କୁ ଦୁର୍ବ୍ୟବହାର କରିଛନ୍ତି ।
ସୂଚନା ଅନୁସାରେ, ସୁକିନ୍ଦା ଅଞ୍ଚଳରେ ଅନେକ ସ୍ଥାନରେ ଜିଲ୍ଲା ଖଣିଜ ପାଣ୍ଠି ଅର୍ଥରେ ଚାଲିଥିବା କାମରେ ଦୁର୍ନୀତି ହୋଇଥିବା ସ୍ଥାନୀୟ ଲୋକମାନେ ଅଭିଯୋଗ କରିଥିଲେ । ଏ ସମ୍ପର୍କରେ ଖବର ସଂଗ୍ରହ କରିବା ପାଇଁ ବନ ବିଭାଗ କାର୍ଯ୍ୟାଳୟ ଯାଇଥିଲେ ବଡ଼ ଖବର ପ୍ରତିନିଧି । ଏହି ସମୟରେ ଆକାଉଣ୍ଟ କର୍ମଚାରୀ ଭାବେ କାମ କରୁଛଥିବା ଜ୍ୟୋତିରଞ୍ଜନ ଜେନା ଆସି ଗେଟ ବନ୍ଦ କରିବାକୁ କହିବା ସହ କିଏ ନାହିଁ କିଏ ଆସି ପଶି ଯାଉଛନ୍ତି ଅଫିସ ରେ କାହିଁକି ଗେଟ ଖୋଲୁଛ ବୋଲି ସିକୁରିଟି ଗାର୍ଡକୁ କହିଥିଲେ । ଏବଂ ପ୍ରତିକ୍ରିୟା ନେବା ପାଇଁ ଚେଷ୍ଟା କରିବା ବେଳେ ଦୁର୍ବ୍ୟବହାର କରିଥିଲେ ଅଧିକାରୀ ।