ପିଆଜ ଦର ବୃଦ୍ଧି, କେନ୍ଦ୍ରକୁ ଦୋଷ ଦେଲା ବିଜେଡି
ଭୁବନେଶ୍ୱର (ବଡ଼ ଖବର ବ୍ୟୁରୋ): ପିଆଜ ଦରବୃଦ୍ଧିକୁ ନେଇ କେନ୍ଦ୍ର ଉପରକୁ ଦୋଷ ଠେଲିଲା ରାଜ୍ୟ । ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ କହିଛନ୍ତି ପିଆଜ ଦର କେବଳ ଓଡ଼ିଶାରେ ନୁହେଁ ଅନ୍ୟ ରାଜ୍ୟରେ ବି ବଢ଼ିଛି। ପିଆଜ ଦର ବୃଦ୍ଧି ଏବେ ଜାତୀୟ ପ୍ରସଙ୍ଗ। ଭାରତ ସରକାର ଦୃଷ୍ଟି ଦେବାର ଆବଶ୍ୟକତା ରହିଛି।
କେନ୍ଦ୍ର ସରକାର ପିଆଜ ଇମ୍ପୋର୍ଟ କରିବାର ଆମେ ସୂଚନା ପାଇଛୁ। ଏ ଦିଗରେ କେନ୍ଦ୍ର ପଦକ୍ଷେପ ନେଲେ ବି ହିଁ ଦର ହ୍ରାସ ପାଇବ। କେନ୍ଦ୍ର ସରକାର କହିଛନ୍ତି ନାଶିକରୁ ମଧ୍ୟ ପିଆଜ ବାହାରିନି। ରାଜ୍ୟ ସରକାରଙ୍କ କାମ କେବଳ କଳାବାଜାରୀ ରୋକିବାକୁ ଆମେ ନଜର ରଖିଛୁ। ପିଆଜ ଦର ବୃଦ୍ଧିକୁ ନେଇ ଛାତ୍ର କଂଗ୍ରେସ କୃଷିମନ୍ତ୍ରୀଙ୍କ ଘର ସାମ୍ନାରେ ପିଆଜ ଧରି ପ୍ରତିବାଦ କରିଥିଲା । ଟୋକେଇରେ ପିଆଜ ଭର୍ତ୍ତି କରି ମୁଣ୍ଡେଇ ବିକ୍ରି କରିଛନ୍ତି । ପ୍ରତି ପିଆଜ କିଲୋ ୨୦ ଟଙ୍କାରେ ବିକ୍ରି କରିଛନ୍ତି ।