ନାଗପୁର(ବଡ଼ ଖବର ବ୍ୟୁରୋ): ୨୦୨୩ ବର୍ଡର- ଗାଭାସ୍କର ଟ୍ରଫିର ପ୍ରଥମ ମ୍ୟାଚରେ ବିଶାଳ ବିଜୟ ହାସଲ କରିଛି ରୋହିତ ବାହିନୀ । ଏକ ଇନିଂସ ଓ ୧୩୨ ରନରେ କଙ୍ଗାରୁ ଦଳକୁ ପରାସ୍ତ କରିଛି ଭାରତ । ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ମାତ୍ର ୧୭୭ ରନ୍ ସ୍କୋର କରିପାରିଥିଲା। ଜବାବରେ ଭାରତୀୟ ଦଳ ପ୍ରଥମ ଇନିଂସରେ ୪୦୦ ରନ୍ ସଂଗ୍ରହ କରି କଙ୍ଗାରୁ ଦଳକୁ ୨୨୩ ରନର ଟାର୍ଗେଟ ଦେଇଥିଲା ।
ତେବେ ଦ୍ୱିତୀୟ ଇନିଂସରେ ଟିମ ଅଷ୍ଟ୍ରେଲିଆ ମାତ୍ର ୯୧ ରନ୍ ସ୍କୋର କରିବାରେ ସମର୍ଥ ହୋଇଥିଲା। ଏହା ସହ ଟିମ୍ ଇଣ୍ଡିଆ ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ୧-୦ ଅଗ୍ରଣୀ ହାସଲ କରିଛି। ଦ୍ୱିତୀୟ ଇନିଂସରେ ଭାରତ ପାଇଁ ଅଶ୍ୱିନ ଚମତ୍କାର ବୋଲିଂ କରିଥିଲେ। ସେ ମାତ୍ର ୩୭ ରନ୍ ଦେଇ ପାଞ୍ଚଟି ୱିକେଟ୍ ନେଇଥିଲେ। ଏଥି ସହିତ ଷ୍ଟିଭ ସ୍ମିଥ ଅଷ୍ଟ୍ରେଲିଆ ପାଇଁ ସର୍ବାଧିକ ଅପରାଜିତ ୨୫ ରନ ସ୍କୋର କରିଥିଲେ। ତାଙ୍କ ବ୍ୟତୀତ ଅଷ୍ଟ୍ରେଲିଆର କୌଣସି ବ୍ୟାଟ୍ସମ୍ୟାନ୍ ଭାରତୀୟ ସ୍ପିନରଙ୍କ ସାମ୍ନାରେ ଅଧିକ ସମୟ ଟେକି ପାରିନଥିଲେ ।
