କାବୁଲ (ବଡ଼ ଖବର ବ୍ୟୁରୋ): ଆଫଗାନିସ୍ତାନରେ ସତ୍ତାକୁ ନେଇ ଘମାଘୋଟ ଲଢେଇ ଆରମ୍ଭ ହୋଇଛି । ତାଲିବାନ ଓ ହକ୍କାନୀ ନେଟ୍ୱାର୍କ ମଧ୍ୟରେ ଗୁଳିମାଡ ଆରମ୍ଭ ହୋଇଯାଇଛି । ଏହି ଗୁଳିମାଡରେ ଆହତ ହୋଇଛନ୍ତି ତାଲିବାନ ସଂଗଠନର ମୁଖ୍ୟ ମୁଲ୍ଲା ଅବଦୁଲ୍ଲ ବରଦାର । ସୂଚନା ଅନୁଯାୟୀ ତାଲିବାନ ଆଫଗାନିସ୍ତାନକୁ ଜବରଦଖଲ କରିବା ପରେ ଏବେ ସେଠାରେ ମନମୁଖି ଶାସନ ଚଲାଇବା ଆରମ୍ଭ କରିଛି । ହେଲେ ଏ ଯାଏଁ ସରକାର ଗଠନ କରିନାହିଁ ।
ହକ୍କାନୀ ନେଟୱାର୍କ ତାଲିବାନୀ ଆତଙ୍କବାଦୀଙ୍କ ଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଛି । ତାଲିବାନର ସହ-ପ୍ରତିଷ୍ଠାତା ମୁଲ୍ଲା ଅବଦୁଲ୍ଲ ଘନି ବରଦାର ଚାହୁଛନ୍ତି ଯେ ସଂଖ୍ୟାଲଘୁ ସମ୍ପ୍ରଦାୟ ସରକାରରେ ଯୋଗ ଦିଅନ୍ତୁ । କିନ୍ତୁ ତାଲିବାନର ଡେପୁଟି ନେତା ସିରାଉଦ୍ଦିନ ଏବଂ ତାଙ୍କର ସନ୍ତ୍ରାସବାଦୀ ଗୋଷ୍ଠୀ ହକ୍କାନୀ ନେଟୱାର୍କ କାହା ସହ କ୍ଷମତା ବାଣ୍ଟିବାକୁ ଚାହୁନାହାନ୍ତି ।
ଏହାକୁ ନେଇ ଦୁଇ ଆତଙ୍କବାଦୀ ଗୋଷ୍ଠି ମଧ୍ୟରେ ସଂଘର୍ଷ ଘଟିଛି । ତେବେ ଉଭୟଙ୍କ ମଧ୍ୟରେ ଗୁଳିମାଡ ବି ହୋଇଛି । ସେପଟେ ଉଭୟଙ୍କ ସଘଂର୍ଷ ନିଆଁରେ ଘିଅ ଢାଳୁଛି ପାକିସ୍ତାନ । ପାକିସ୍ତାନର ଗୁପ୍ତ ଏଜେନ୍ସି ଆଇଏସ୍ଆଇର ପ୍ରମୁଖ ଜେନେରାଲ ଫେଜ ହମିଦ ବର୍ତ୍ତମାନ କାବୁଲରେ ଅଛନ୍ତି । ଦୁଇ ଦଳ ମଧ୍ୟରେ ସମାଧାନ କରି ହକ୍କାନୀ ନେଟୱର୍କ ସପକ୍ଷରେ ଯେପରି ସରକାର ଗଢିପାରିବେ ସେଥିପାଇଁ ସେ ଚେଷ୍ଟା ଚଳାଇଛନ୍ତି ।
