ତଦନ୍ତକାରୀ ସଂସ୍ଥାର ଅପବ୍ୟବହାର ହେଉଛି: ଶରଦ ପାୱାର
ମୁମ୍ବାଇ(ବଡ଼ ଖବର ବ୍ୟୁରୋ): ଏନସିପି ମୁଖ୍ୟ ଶରଦ ପାୱାର ବାରମ୍ବାର କେନ୍ଦ୍ର ସରକାରଙ୍କୁ ଟାର୍ଗେଟ କରୁଥିବା ଦେଖିବାକୁ ମିଳୁଛି । ଏବେ ପୁଣି ଥରେ କେନ୍ଦ୍ର ସରକାରଙ୍କୁ ଟାର୍ଗେଟ କରୁଥିବା ଦେଖିବାକୁ ମିଳିଛି । କେନ୍ଦ୍ର ସରକାର ସିବିଆଇ, ଏନସିବି ଏବଂ ଇଡି ଭଳି ସଂସ୍ଥାର ଅପବ୍ୟବହାର କରୁଛନ୍ତି ବୋଲି ଅଭିଯୋଗ କରିଛନ୍ତି ଶରଦ ପାୱାର । ଯେଉଁ ରାଜ୍ୟ ମାନଙ୍କରେ ବିଜେପି ଶାସନ ନାହିଁ ସେହି ସବୁ ରାଜ୍ୟର ସରକାରଙ୍କୁ ବିରୋଧରେ ଏହି ସବୁ ସଂସ୍ଥାକୁ ବ୍ୟବହାର କରୁଛନ୍ତି କେନ୍ଦ୍ର ସରକାର ବୋଲି କହିଛନ୍ତି ଶରଦ ପାୱାର ।
ତେବେ ଏହାଛଡ଼ା ନୱାବ ମଲ୍ଲିକଙ୍କ ସପକ୍ଷରେ ମଧ୍ୟ କହିଛନ୍ତି ଶରଦ ପାୱାର । ବର୍ତ୍ତମାନ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କ ଜ୍ୱାଇଁଙ୍କୁ ପଚରା ଉଚରା କରୁଛି । ନୱାବ ମଲ୍ଲିକ ବାରମ୍ବାର କେନ୍ଦ୍ର ସରକାରଙ୍କ ବିରୋଧରେ ସ୍ୱର ଉତ୍ତୋଳନ କରୁଥିବାରୁ କେନ୍ଦ୍ର ସରକାର ଏପରି କରୁଥିବା ସେ ଅଭିଯୋଗ କରିଛନ୍ତି । କେବଳ ଏତିକି ନୁହେଁ ବର୍ତ୍ତମାନ ଦେଶର ଅର୍ଥନୀତିକୁ ନେଇ ମଧ୍ୟ ପାୱାର କେନ୍ଦ୍ର ସରକାରଙ୍କୁ ଘେରିଛନ୍ତି । ଗତ ୩ବର୍ଷ ହେଲା ଅନ୍ତର୍ଜାତୀୟ ବଜାରରେ ତୈଳ ଦର ହ୍ରାସ ହେଉଥିଲେ ମଧ୍ୟ ଦେଶରେ ତୈଳ ଦର ବୃଦ୍ଧି ପାଇବାରେ ଲାଗିଛି । ବୋଲି କହିଛନ୍ତି ପାୱାର ।