ଶିଶୁଙ୍କ ନାମ ‘ୟାଶ’

ରାଜନଗର/ ବାଲେଶ୍ୱର(ବଡ଼ ଖବର ବ୍ୟୁରୋ): ‘ୟାଶ’ ଆସିଲା ଚାଲିଗଲା । ଆଉ କରିଦେଇଗଲା ଅନେକ କ୍ଷୟକ୍ଷତି । ତେବେ ବାତ୍ୟା ସମୟରେ ଜନ୍ମଗ୍ରହଣ କରିଛନ୍ତି ଅନେକ ଶିଶୁ । ସେମାନଙ୍କ ମଧ୍ୟରୁ ଜନ୍ମଗ୍ରହଣ କରିଥିବା ଦୁଇ ନବଜାତକଙ୍କ ନାମକରଣ କରାଯାଇଛି ବାତ୍ୟା ‘ୟାଶ’ ନାଁରେ । ସେଥିମଧ୍ୟରୁ ଜଣେ ହେଲେ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ଅନ୍ତର୍ଗତ ହରିଣ ପୋଖରୀ ଗାଁର ସୈାମ୍ୟରଞ୍ଜନ ବୈରାଗୀ ଓ ତାଙ୍କ ପତ୍ନୀ ସରସ୍ୱତୀ ନିଜ କନ୍ୟାର ନାଁ ‘ୟାଶ’ ରଖିଛନ୍ତି ।

ଅନ୍ୟଜଣେ ହେଉଛନ୍ତି ବାଲେଶ୍ୱର ଜିଲ୍ଲା ରାଜନଗର ସଦର ବ୍ଲକ ପରଖି ଅଂଚଳର ବାଦଲ ମାଇତି ଓ ପତ୍ନୀ ସୋନାଲି ମାଇତି । ସେମାନେ ଏକ ପୁତ୍ର ସନ୍ତାନ ଲାଭ କରିଛନ୍ତି । ସେମାନେ ମଧ୍ୟ ନିଜ ପୁତ୍ରର ନାମ ରଖିଛନ୍ତି ‘ୟାଶ’ । ତେବେ ବାତ୍ୟା ସମୟରେ ରାଜନଗରରେ କେବଳ ୪ଜଣ ମହିଳା ସନ୍ତାନ ଜନ୍ମ କରିଛନ୍ତି । ଆଉ ବାଲେଶ୍ୱର ଓ ଭଦ୍ରକରେ ଗତକାଲି ମୋଟ ୯୧ଜଣ ନବଜାତକ ଜନ୍ମଗ୍ରହଣ କରିଛନ୍ତି ।