ବେଲପଡ଼ା (ବଡ଼ ଖବର ବ୍ୟୁରୋ): କରୋନା କବଳରେ ସାରା ଦେଶ । ରାଜ୍ୟରେ ବି ସଙ୍ଗୀନ ସ୍ଥିତି । ଏହା ଭିତରେ କିଛି କରାଳ ଦୃଶ୍ୟ ମଧ୍ୟ ଦେଖିବାକୁ ମିଳିଛି । ଏଭଳି ଦୃଶ୍ୟ ଦେଖିବାକୁ ମିଳିଛି ବେଲପଡା ବ୍ଲକ ସଲଣ୍ଡି ଗାଁରେ । କୋଭିଡ ଆକ୍ରାନ୍ତ ଉଦ୍ଧବ ବେହେରାଙ୍କ ମୃତ୍ୟୁ ପରେ ନିଜ ବାପାଙ୍କ ଶବକୁ ଦୁଇ ପୁଅ ସ୍କୁଟରେ ମଶାଣୀକୁ ନେଇଛନ୍ତି ।
ପିପିଇ କିଟ ପିନ୍ଧି ଶୁମ୍ଭୁ ବେହେରା ଓ ଦେବତ୍ୟ ବେହେରା ଗାଁର ଏକ ନିଛାଟିଆ ସ୍ଥାନକୁ ନେଇ ଶେଷକୃତ୍ୟ ସଂପର୍ଣ୍ଣ କରିଛନ୍ତି । କୋଭିଡ ସଂକ୍ରମଣ ହୋଇଥିବାରୁ ଜାତି ଭାଇ ଭୟରେ ତାଙ୍କ ପାଖକୁ ଆସିନଥିଲେ । କରୋନା ପାଇଁ ସମୟ ଏମିତି ହେଲେଣି ଯେ କୋକେଇରେ ଶବକୁ ବୋହିନେବା ବଦଳରେ ସ୍କୁଟିରେ ଗଲା ମଶାଣୀ ।
