ପୂର୍ବ ଶତ୍ରୁତାକୁ କେନ୍ଦ୍ର କରି ବୋମା ମାଡ଼

ଆସ୍କା (ବଡ଼ ଖବର ବ୍ୟୁରୋ): ପୂର୍ବ ଶତ୍ରୁତାକୁ କେନ୍ଦ୍ରକରି ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଗାଙ୍ଗପୁର ଥାନା ଝାଡ଼ବନ୍ଧ ପଂଚାୟତର ପଣିବନ୍ଧ ଗ୍ରାମରେ ବୋମା ମାଡ଼ । ପଣିବନ୍ଧ ଗ୍ରାମର ଦୁଇ ଯୁବକ ଭୋଳା ସ୍ୱାଇଁ ଓ ସନାତନ ବେହେରା ଗ୍ରାମର ଟୁକୁନା ସ୍ୱାଇଁକୁ ବୋମା ମାଡ କରିଥିଲେ । ମନେରେଗା କାମ ବିଷୟରେ ଆଲୋଚନା କରିବା ପାଇଁ ଯାଇ ଫେରିବା ସମୟରେ ଦୁଇ ଯୁବକ ତାଙ୍କ ମୁଣ୍ଡ ଉପରଙ୍କୁ ବୋମା ମାଡ଼ କରିଥିଲେ ।

ବୋମା ମାଡ ପରେ ଟୁକୁନା ତଳେ ଟଳି ପଡ଼ିଯାଇଥିଲେ । ଖବର ପାଇ ପରିବାର ଲୋକେ ଘଟଣାସ୍ଥଳରେ ପହଞ୍ଚି ଆସିକା ଚିକିତ୍ସାଳୟକୁ ଆଣିଥିଲେ । ତାଙ୍କର ଅବସ୍ଥା ସଙ୍କଟାପର୍ଣ୍ଣ ହେବାରୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।