ନୃସଂଶ ସାଜିଲେ ସ୍ୱାମୀ-ସନ୍ତାନ

ବାଲିଆପାଳ (ବଡ଼ ଖବର ବ୍ୟୁରୋ):ନୃଶଂସ ସାଜିଲା ପୁଅ ଓ ସ୍ୱାମୀ। ମଦ୍ୟପାନକୁ ବିରୋଧ କରିବାରୁ ବାପା ଓ ପୁଅ ମିଶି ମାଆକୁ ଗରମ ଲୁହା ରଡରେ ଚେଙ୍କ ଲଗାଇଲା ପୁଅ । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ବାଲିଆପାଳ ଥାନା ନାଭଡା ଗ୍ରାମରେ । ପ୍ରଭାକର ବିଶ୍ୱାଳ ଏବଂ ତାଙ୍କ ପୁଅ ମଦ ପିଉଥିବାରୁ ପ୍ରଭାକରଙ୍କ ସ୍ତ୍ରୀ ହରପ୍ରିୟା ବାପା ପୁଅଙ୍କୁ ମଦ ପିଇବାକୁ ବିରୋଧ କରିଥିଲେ। କିନ୍ତୁ ପୁଅ ଓ ବାପା ସହିତ ମିଶି ମାଆକୁ ନିସ୍ତୁକ ମାଡ ମାରିବା ସହିତ ଗରମ ଲୁହା ରଡରେ ଚେଙ୍କ ଲଗାଇଥିଲେ ।

ଆଖି ଏବଂ ଶରୀରର ବିଭିନ୍ନ ସ୍ଥାନରେ ଗରମ ଲୁହା ରଡରେ ଚେଙ୍କ ଲଗାଇବା ସହିତ ନିସ୍ତୁକ ମାଡ ମାରିଛନ୍ତି ବାପା-ପୁଅ। ଗୁରୁତର ଅବସ୍ଥାରେ ମହିଳାଙ୍କୁ ପ୍ରଥମେ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରେ ଅତି ଗୁରୁତର ହେବାରୁ ବାଲେଶ୍ଵର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଖବର ପାଇ ଘଟଣାସ୍ଥଳରେ ବାଲିଆପାଳ ପୋଲିସ ବାପ ପୁଅକୁ ଅଟକ ରଖି ଅଧିକ ତଦନ୍ତ କରୁଥିବା ଜଣାପଡିଛି।