ଟଙ୍କା ପାଇଁ ମାଆକୁ ମାରିଦେଲା ନୃଶଂସ ପୁଅ

ରାଜଗାଙ୍ଗପୁର(ବଡ଼ ଖବର ବ୍ୟୁରୋ): ଟଙ୍କା ପାଇଁ ପଶୁ ପାଲଟିଲା ପୁଅ । ସାମାନ୍ୟ କେଇଟା ଟଙ୍କା ପାଇଁ ମାଆକୁ ମାରିଦେଲା ନୃଶଂସ ପୁଅ । ଏଭଳି ଅଭାବନୀୟ ଘଟଣା ଘଟିଛି ରାଜଗାଙ୍ଗପୁର ଥାନା ଅନ୍ତର୍ଗତ ବାହିୟାମ ଗ୍ରାମରେ । ସୂଚନାଯୋଗ୍ୟ, ଉକ୍ତ ଗ୍ରାମର ରାଜୁ ଗୌଡ(୨୩) ନିଜ ଜନ୍ମକଲା ମାଆ ଲକ୍ଷ୍ମୀ ଗୌଡଙ୍କୁ କିଛି ଟଙ୍କା ମାଗିଥିଲା । ମାଆ ଟଙ୍କା ନଦେବାରୁ ଉଭୟ ମାଆ-ପୁଅଙ୍କ ମଧ୍ୟରେ ବଚସା ହୋଇଥିଲା । ଫଳରେ ପୁଅ ରାଜୁ ଗୌଡ ଉତକ୍ଷିପ୍ତ ହୋଇ ମାଆ ଲକ୍ଷ୍ମୀ ଗୌଡର ତଣ୍ଟି କାଟି ହତ୍ୟା କରିଛି । ଘଟଣା ସ୍ଥଳରେ ରାଜଗାଙ୍ଗପୁର ପୋଲିସ ପହଁଚି ଶବ ଜବତକରି ବ୍ୟବଛେଦ ପାଇଁ ପଠାଇବା ସହିତ ଘଟଣାର ତଦନ୍ତ କରୁଛି । ତେବେ ଘଟଣା ସ୍ଥଳରୁ ହତ୍ୟାକାରି ପୁଅ ଫେରାର ଅଛି ।