କୋଇଡା(ବଡ଼ ଖବର ବ୍ୟୁରୋ): ଶିଶୁ କାନ୍ଧରେ ମଦ ବ୍ୟାଗର ବୋଝ । ଯେଉଁ ବୟସରେ ଶିଶୁ ସ୍କୁଲ ଯିବା କଥା, ପାଠପଢା ଓ ସାଙ୍ଗସାଥୀଙ୍କ ସହ ଖେଳିବା କଥା, ସେଇ ବୟସରେ ଶିଶୁ ବୋହୁଛି ମଦ ବୋତଲ । ମଦ ଦୋକାନୀ ବୁହାଉଛନ୍ତି ମଦ ବୋତଲ । ଏଭଳି ଘଟଣା ଦେଖିବାକୁ ମିଳିଛି ଓଡ଼ିଶାର ଧନୀ ଜିଲ୍ଲା କୁହାଯାଉଥିବା ସୁନ୍ଦରଗଡ଼ର କୋଇଡା ଅଞ୍ଚଳରେ ।

ଛୁଆଟି ବୋହୁଛି ମଦ ବୋତଲ । ଏ ହେଉଛି ଆମ ରାଜ୍ୟର ବିକାଶର ଚିତ୍ର । ଅବକାରୀ ବିଭାଗର ଅଧିକାରୀଙ୍କ ଆଗରେ ଏଭଳି କାମ ହେଉଥିଲେ ମଧ୍ୟ ପାଟି ଖୋଲିବାର ସହାସ ନାହିଁ । ଏଭଳି ହୀନ ମାନସିକତାକୁ ଲୋକଲୋଚନକୁ ଆଣିଥିବା ସାମ୍ବାଦିକଙ୍କୁ ବିଦେଶୀ ମଦ ଦୋକାନୀ ଗାଳିଗୁଲଜ କରିଥିଲେ । କଥା ଥାନାକୁ ଯାଇଥିଲା । ପୋଲିସ ସାମ୍ବାଦିକଙ୍କୁ ପଢାଇଥିଲା ଆଇନର ପାଠ । କିନ୍ତୁ ମଦଦୋକାନୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ପୋଲିସ ସାହସ ଜୁଟାଇ ପାରିନଥିଲା ।

Leave a Reply

Your email address will not be published. Required fields are marked *