କଂଗ୍ରେସ ଛାଡିବେ କ୍ୟାପଟେନ
ଚଣ୍ଡିଗଡ (ବଡ଼ ଖବର ବ୍ୟୁରୋ): ପଞ୍ଜାବ ରାଜନୀତିରେ ହାଇଡ୍ରାମା । କଂଗ୍ରେସ ଛାଡିବେ କ୍ୟାପଟେନ୍ ଅମରିନ୍ଦର ସିଂହ । ଯାହାକୁ ନେଇ ବିଭିନ୍ନ ଜାତୀୟ ଗଣମାଧ୍ୟମରେ ଚର୍ଚ୍ଚା ଆରମ୍ଭ ହୋଇଛି। ୟାରି ଭିତରେ ଆସିଛି ଅମରିନ୍ଦର ସିଂହଙ୍କ ବଡ଼ ବୟାନ । ସେ କଂଗ୍ରେସରେ ରହିବେ ନାହିଁ ବୋଲି କହିଛନ୍ତି। ଯାହା କଂଗ୍ରେସ କନ୍ଦଳ ଭିତରେ ଏକ ନୂଆ ମୋଡ଼ ଆଣିଛି। ଅମରିନ୍ଦର କହିଛନ୍ତି, ‘ଏଭଳି ବ୍ୟବହାର ଆଉ ବରଦାସ୍ତ କରିହେବ ନାହିଁ। ଅପମାନ ସହି ହେବ ନାହିଁ। ଯେଉଁ ଭଳି ମୋ ସହ ବ୍ୟବହାର କରାଯାଇଛି ତାହା ଠିକ୍ ନୁହେଁ।
ସେ ବିଜେପିରେ ମିଶିବେ ନାହିଁ ବୋଲି ସ୍ପଷ୍ଟ କରିଛନ୍ତି। ସେ କହିଛନ୍ତି, ମୁଁ କଂଗ୍ରେସ ଛାଡୁଛି, କିନ୍ତୁ ବିଜେପିରେ ମିଶିବି ନାହିଁ। ଯେଉଁ ପ୍ରକାରେ ବିଧାୟକ ଦଳଙ୍କ ବୈଠକ ଡାକି ଶେଷ ମୁହୂର୍ତ୍ତରେ ମୋତେ ସୂଚନା ଦିଆଗଲା, ସେତେବେଳେ ହିଁ ମୁଁ ପଦ ଛାଡିବା ପାଇଁ ନିଷ୍ପତ୍ତି ନେଇଥିଲି। ଯଦି ମୋ ଉପରେ କାହାର ବିଶ୍ୱାସ ନାହିଁ ତେବେ ମୁଁ ଦଳରେ ରହିବା କ’ଣ ଫାଇଦା ବୋଲି ଅମରିନ୍ଦର କହିଛନ୍ତି।