ରସିକିଆ ପୋଲିସ ବାବୁ

ଭୁବନ (ବଡ଼ ଖବର ବ୍ୟୁରୋ): ରସିକିଆ ପୋଲିସ ବାବୁ । ବାବୁଙ୍କ ରାସଲୀଳାର ଭିଡିଓ ହେଲା ଭାଇରାଲ । ସ୍ତ୍ରୀ ହାବୁଡରେ ପ୍ରେମିକା ସହିତ ଧରାପଡି ହଟହଟା ହେଲେ ରସିକିଆ ପୋଲିସ ବାବୁ । ଢେଙ୍କାନାଳ ଜିଲ୍ଲା ଭୁବନ ନୀଳକଣ୍ଠପୁର ଛକରେ ଏହି ରୋଚକ ଦୃଶ୍ୟ ଦେଖିବାକୁ ମିଳିଛି । ଢେଙ୍କାନାଳ ଜିଲ୍ଲାର ବିବାହିତା ପୋଲିସ ଅଧିକାରୀ ବିନୟ ସାହୁ ତାଙ୍କର ପ୍ରେମିକା ସହିତ ଭୁବନ ଅଞ୍ଚଳରେ ବୁଲୁଥିବାର ଖବର ପାଇ ସ୍ତ୍ରୀ ଏବଂ ପୁଅ ସେମାନଙ୍କୁ ଧରି ପୋଲିସକୁ ଖବର ଦେଇଥିଲେ ।

ଖବର ପାଇ ଭୁବନ ଥାନା ଅଧିକାରୀ ସେମାନଙ୍କୁ ଭୁବନ ଥାନାକୁ ନେଇ ଆପୋଷ ବୁଝାମଣା କରି ଛାଡି ଦେଇଛନ୍ତି । ଏଏସଆଇ ବିନୟ ସାହୁ ଢେଙ୍କାନାଳ ଜିଲ୍ଲା ନିହଲପ୍ରଶାଦ ଥାନାରୁ ରାସୋଳ ଥାନାକୁ ଟ୍ରାନ୍ସଫର ହୋଇଥିବା ଜଣାପଡିଛି ।