ତଥ୍ୟ ଲିକ୍ ଅଭିଯୋଗ, ହାଲର ଦୁଇ କର୍ମଚାରୀକୁ ଉଠାଇ ନେଇଛି ସିବିଆଇ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତଥ୍ୟ ଲିକ୍ ଅଭିଯୋଗରେ ହାଲର ଦୁଇ କର୍ମଚାରୀକୁ ଉଠାଇ ନେଇଛି ସିବିଆଇ । ସୁନାବେଡା ସ୍ଥିତ ହିନ୍ଦୁସ୍ଥାନ ଏରୋନଟିକ୍ସ୍ ଲିମିଟେଡ (ହାଲ୍)ର ଜଣେ ଅଫିସରଙ୍କ ସମେତ ଦୁଇ ଜଣଙ୍କୁ ସିବିଆଇ ଅଫିସରମାନେ ଉଠାଇ ନେଇଛନ୍ତି । ଏକ ଏକ ଅଜ୍ଞାତ ସ୍ଥାନରେ ରଖି ତାଙ୍କୁ ପଚରାଉଚରା ଚଳାଇଛନ୍ତି ।
କର୍ମଚାରୀ ହେଲେ ଆସେମ୍ବ୍ଲିଂ ବିଭାଗ ଅଫିସର ସତ୍ୟଜିତ ଖାଡେଙ୍ଗା ଓ ଅଧସ୍ତନ କର୍ମଚାରୀ ଦେବାଶିଷ କୁମାର ନାୟକ। ଦେବାଶିଷଙ୍କ ଲାପ୍ଟପ୍ ଏବଂ ହାର୍ଡ ଡିସ୍କ ସହିତ ସହିତ ବିଭିନ୍ନ ଗୁରୁତ୍ୱପୂର୍ଣ୍ଣ କାଗଜପତ୍ର, ବ୍ୟାଙ୍କ ଖାତା ଓ ଅନ୍ୟ ତଥ୍ୟ ଜବତ ହୋଇଛି ।
ଦୁହେଁ ପାକିସ୍ତାନୀ ଗୁଇନ୍ଦା ଏଜେନ୍ସି ଆଇଏସ୍ଆଇର ହନିଟ୍ରାପ ଫଶିଥିବା ସନେ୍ଦହ କରାଯାଉଛି । ମହାରାଷ୍ଟ୍ରର ନାସିକ ସ୍ଥିତ ହାଲରୁ ତଥ୍ୟ ଲିକ୍ ସମ୍ପର୍କରେ ସୂଚନା ମିଳିବା ପରେ ସେଠାରୁ ସିବିଆଇ ଟିମ୍ ଆସି ଚଢ଼ଉ କରିଛନ୍ତି । ଶନିବାର ପୂର୍ବାହ୍ନ ୧୦ଟାରେ ଚଢାଉ ହୋଇଛି ଓ ଏହାକୁ ଅତ୍ୟନ୍ତ ଗୋପନ ରଖାଯାଇଛି । ଅପରାହ୍ଣ ପ୍ରାୟ ୨ଟାରେ ଉଭୟଙ୍କୁ ଉଠାଇ ନିଆଯାଇଥିଲା । ତଥ୍ୟ ଲିକରେ ଆଉ କେଉଁମାନେ ସାମିଲ ଅଛନ୍ତି ତାହାର ଖୋଳତାଡ଼ ଚାଲିଛି । କିନ୍ତୁ ହାଲ୍ ପକ୍ଷରୁ ଏନେଇ କୌଣସି ସୂଚନା ଦିଆଯାଇନାହିଁ ।