Before Header

ସ୍ଥାଣୁ ପାଲଟିଛି ଅବକାରୀ ବିଭାଗ

0 185

ପଦ୍ମପୁର, (ବଡ଼ ଖବର ବ୍ୟୁରୋ): ଉପାନ୍ତ ଅଞ୍ଚଳରେ ଚାଲିଛି ବ୍ୟାପକ ମଦ ବେପାର । ବରଗଡ଼ ଜିଲ୍ଲା ଝାରବନ୍ଧ ବ୍ଲକ ଭଣ୍ଡାରପୁର ପଞ୍ଚାୟରେ ଚାଲିଛି ଦେଶୀ ଓ ବିଦେଶ ମଦ ବେପାର । ବଢ଼ି ଚାଲିଛି ମଦୁଆଙ୍କ ସଂଖ୍ୟା । ମାତାଲ ହୋଇ ଲୋକେ ବିଭିନ୍ନ ଅପରାଧ ମଧ୍ୟ ଘଟାଉଛନ୍ତି । ଅନେକଙ୍କ ପରିବାର ମଧ୍ୟ ଉଜୁଡ଼ି ଯାଉଛି । ରାସ୍ତାକଡ଼ରେ ଖୁଲମଖୁଲା ଚାଲିଛି ବେପାର । ମାଲୋମାଲ ହେଉଛନ୍ତି ବେପାରୀ । ଚୁପ ବସିଛି ପ୍ରଶାସନ । ସ୍ଥାଣୁ ପାଲଟିଯାଇଛି ଅବକାରୀ ବିଭାଗ । ଏନେଇ ବାରମ୍ବାର ଅଭିଯୋଗ କରାଯାଉଥିଲେ ସୁଦ୍ଧା କିଛି ସୁଫଳ ମିଳୁନାହିଁ ।

ଛୋଟ ଛୋଟ ଛୁଆମାନେ ମଧ୍ୟ ଏହି ବେପାରରେ ସାମିଲ ହେଉଥିବା ନଜରକୁ ଆସୁଛି । ପଢ଼ିବା ବୁଲିବା ବୟସରେ ସେମାନେ କରୁଛନ୍ତି ବେପାର । ଯାହାକି ସେମାନଙ୍କ ଭବିଷ୍ୟତ ଉପରେ ପ୍ରଭାବ ପଡ଼ିବ ବୋଲି ସାଧାରଣରେ ଚର୍ଚ୍ଚା ହେଉଛି । ଏନେଇ ପୂର୍ବରୁ ମଧ୍ୟ ଅଭିଯୋଗ କରାଯାଇଛି । ୨୦୧୭ରେ ଭଣ୍ଡାରପୁର ସରପଞ୍ଚ ଲିଖିତ ଅଭିଯୋଗ କରିଥିଲେ । ଯାହାକୁ ନେଇ ଆଇନ ଶୃଙ୍ଖଳା ପରିସ୍ଥିତି ଉପୁଜିଥିଲା । ତେବେ ମଦ ବେପାର କମିବା ପରିବର୍ତ୍ତେ ବଢ଼ିବାରେ ଲାଗିଛି । ଅବକାରୀ ବିଭାଗର ନଜର କେବେ ଏଠାରେ ପଡ଼ୁଛି ତାଉପରେ ରହିଛି ସ୍ଥାନୀୟ ଲୋକଙ୍କ ନଜର ।

Leave A Reply

Your email address will not be published.