ଫସଲ ନଷ୍ଟ କରିଦେଲା ହାତୀ

ସାହାରାପଡ଼ା (ବଡ଼ ଖବର ବ୍ୟୁରୋ): କେନ୍ଦୁଝର ପାଟଣା ରେଞ୍ଜ ଭିମାପଡା ଗାଁରେ ହାତୀପଲଙ୍କ ଦୌରାତ୍ମ୍ୟ । ୩୦ ଟିକିଆ ହାତୀପଲ ଚାଷ ହୋଇଥିବା ବୋଇତାଳୁ ଖାଇବା ସହ ପାଚିଲା ଧାନ ନଷ୍ଟ କରିଥିବା ଦେଖିବାକୁ ମିଳିଛି। ହାତୀ ପଲ ବିଲରେ ପଶି ବ୍ୟାପକ ଧାନ ଫସଲ ନଷ୍ଟ କରିଛନ୍ତି। ସେପଟେ ବିଭିନ୍ନ ସମୟରେ ହାତୀପଲ ବିଭିନ୍ନ ଗାଁରେ ଉତ୍ପାତ ମଚାଉଥିବା ବେଳେ ପାଟଣା ବନାଞ୍ଚଳ ଅଧିକାରୀ ବନ ବିହାରୀ ସର୍ଦାର ହାତୀ ଘଉଡାଇବାରେ ସମ୍ପୂର୍ଣ୍ଣ ଫେଲ ମାରିଥିବା ଗାଁ ଲୋକେ ଅଭିଯୋଗ କରିଛନ୍ତି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।