ସମସ୍ୟା ବଢାଉଛି କୁହୁଡି

ବିଭିନ୍ନ ସ୍ଥାନରେ ଆଜି ଭୋର ସମୟରେ ଘନ କୁହୁଡି ଯୋଗୁ ଯାତାୟତ ବାଧାପ୍ରାପ୍ତ ହୋଇଛି । ରାଜଧାନୀ ଭୁବନେଶ୍ୱର ସମେତ କଟକ, ପୁରୀ, ପିପିଲି ଆଦି ବିଭିନ୍ନ ଅଂଚଳରେ ଘନ କୁହିଡ଼ି ଦେଖିବାକୁ ମିଳିଥିଲା । କୁହୁଡି ଯୋଗୁ ଯାତାୟତରେ ସମସ୍ୟା ସୃଷ୍ଟି ହେବା ସହ ବିଭିନ୍ନ ସ୍ଥାନରେ ଗାଡି ମୋଟର ରାସ୍ତାରେ ବହୁ ସମୟ ଧରି ଅଟକି ରହିଥ । ଆସନ୍ତା ୩ ଦିନ ପର୍ଯ୍ୟନ୍ତ ରାଜ୍ୟର ବିଭିନ୍ନ ଜିଲ୍ଲାରେ ଘନ କୁହୁଡି ପଡିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।

ବଙ୍ଗୋପସାଗର ତଥା ଉପକୂଳ ଅଞ୍ଚଳମାନଙ୍କରେ ଗୁରୁଚାପ ବଳୟ ରହିଥିବାରୁ ଘନ କୁହୁଡି ପାଇଁ ଅନୁକୂଳ ପରିବେଶ ସୃଷ୍ଟି ହୋଇଛି । ଏହି ଗୁରୁଚାପ ପ୍ରଭାବରେ ଆଭ୍ୟନ୍ତରିଣ ଓଡ଼ିଶାର ଜିଲ୍ଲାଗୁଡିକରେ ମଧ୍ୟ ଘନ କୁହୁଡି ପଡିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି । ଆସନ୍ତା ୨୪ ଘଣ୍ଟାରେ ଖୋର୍ଦ୍ଧା, ଭଦ୍ରକ, କଟକ, ଜଗତସିଂହପୁର, ଯାଜପୁର, ପୁରୀ, କେନ୍ଦ୍ରାପଡ଼ା ଓ ନୟାଗଡ଼ ଆଦି ୮ଟି ଜିଲ୍ଲାରେ ଘନ କୁହୁଡିର ସମ୍ଭାବନା ଥିବା ୟେଲୋ ୱାଣ୍ଣିଂ ଜାରି କରାଯାଇଛି । କୁହୁଡି ଯୋଗୁ ଫସଲ କ୍ଷୟକ୍ଷତି ଆଶଙ୍କା ଥିବାରୁ ଚାଷୀମାନେ ଏବେ ଚିନ୍ତାରେ ରହିଯାଇଛନ୍ତି ।