ରାଉରକେଲାରେ ଉଡିବ ରାଜ୍ୟର ଉଚ୍ଚତମ ଜାତୀୟ ପତାକା

ରାଉରକେଲା (ବଡ଼ ଖବର ବ୍ୟୁରୋ): ରାଉରକେଲା ସହରରେ ଉଡିବ ରାଜ୍ୟର ଉଚ୍ଚତମ ଜାତୀୟ ପତାକା । ଇସ୍ପାତ ସହର ରଚିବ ଇତିହାସ । ଏନେଇ ରାଉରକେଲା ଇସ୍ପାତ କାରଖାନା ପକ୍ଷରୁ ଯୁଦ୍ଧକାଳୀନ ଭିତ୍ତିରେ ପ୍ରସ୍ତୁତି ଚାଲିଛି । ଟେଲିଫୋନ ଭବନ ପଡିଆରେ ଏକ ଉଦ୍ୟାନ ପ୍ରସ୍ତୁତ କରାଯାଇ ୭୦ ମିଟର ଉଚ୍ଚତା ବିଶିଷ୍ଟ ଫ୍ଲାଗ ପୋଲ ସ୍ଥାପନ କରାଯାଇଛି । ୭୨ ଫୁଟ ଲମ୍ବା, ୪୮ ଫୁଟ ଉଚ୍ଚତା ବିଶିଷ୍ଟ ତ୍ରିରଙ୍ଗା ପତାକା ବି ପହଞ୍ଚିସାରିଛି । ଉଦ୍ୟାନ ଭିତରେ ସ୍ୱାଧିନତା ସଂଗ୍ରାମୀ ଓ ମହାପୁରୁଷଙ୍କ ଗାଥା ବହନ କରୁଥିବା ସ୍ମାରକୀ ସ୍ଥାପନ କରାଯାଇଛି । ସାଧାରଣତନ୍ତ୍ର ଦିବସରେ ଏହି ବିଶାଳକାୟ ଜାତୀୟ ପତାକା ଉତ୍ତୋଳନ କାର୍ଯ୍ୟକ୍ରମ ଅନୁଷ୍ଠିତ ହେବାର ସୂଚନା ରହିଛି ।