ପଲ୍ଲୀରୁ ଦିଲ୍ଲୀ ସବୁଠି ‘ଯୱାନ’ କ୍ରେଜ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଶାହାରୁଖ ଖାନ ଏବଂ ନୟନତାରାଙ୍କ ଅଭିନୀତ ଚଳଚ୍ଚିତ୍ର ଜବାନ ଆଜି ତେଲୁଗୁ, ହିନ୍ଦୀ, ତାମିଲ, ଭାଷାରେ ମୁକ୍ତିଲାଭ କରିଛି । ଫିଲ୍ମକୁ ନେଇ ସାରା ଦେଶରେ ଶାହାରୁଖ ଖାନଙ୍କ ପ୍ରଶଂସକଙ୍କ ମଧ୍ୟରେ ଏକ ଜବରଦସ୍ତ କ୍ରେଜ ଦେଖିବାକୁ ମିଳିଛି । ଚଳଚ୍ଚିତ୍ରଟି ପ୍ରଥମ ଶୋ’ରୁ ହିଁ ଧମାକା କରିଛି । ସକାଳ ୫ଟାରୁ ଫିଲ୍ମର ଶୋ’ ଆରମ୍ଭ ହୋଇଥିବା ବେଳେ ଥିଏଟରରେ ଜମିଛି ଭିଡ଼ । ଥିଲଟର ବାହାରେ ବାଣଫୁଟାଇ ସେଲିବ୍ରେସନ କରୁଛନ୍ତି ଫ୍ୟାନ୍ସ ।ଏହି ଚଳଚ୍ଚିତ୍ରଟି କେବଳ ଏକ ସୁପର ହିଟ୍ ନୁହେଁ, ବରଂ ଏକ ବ୍ଳକବଷ୍ଟର ହେବବୋଲି କହୁଛନ୍ତି ଫ୍ୟାନ୍ସ । ସେପଟେ ଏନେଇ ନିଜ ଫ୍ୟାନ୍ସଙ୍କୁ ଧନ୍ୟବାଦ ଦେଇଛନ୍ତି ଶାହାରୁଖ ।