ବଢିଲା ଯୁକ୍ତ ୩ ଆସନ ସଂଖ୍ୟା
ଭୁବନେଶ୍ୱର(ବଡ଼ ଖବର ବ୍ୟୁରୋ) : ଉଚ୍ଚଶିକ୍ଷା କ୍ଷେତ୍ରକୁ ଏକ ବଡ ପ୍ରୋତ୍ସାହନ ଦେଇ ଓଡ଼ିଶା ସରକାର ଚଳିତ ବର୍ଷ ପାଇଁ ରାଜ୍ୟର ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟରେ ଯୁକ୍ତ ୩ (ଇୟୁଜି) ସିଟ୍ ବୃଦ୍ଧି କରାଯିବ । ପୂର୍ବ ବର୍ଷ ଛାତ୍ରଛାତ୍ରୀ ସଂଖ୍ୟାକୁ ଦୃଷ୍ଟିରେ ରଖି ଓଡିଶା ସରକାର ଏହି ନିଷ୍ପତ୍ତି ନେଇଛନ୍ତି । ସୂଚନା ଅନୁଯାୟୀ ରାଜ୍ୟରେ ବିଭିନ୍ନ କଲେଜରେ ମୋଟ ୧୦ ହଜାର ୩୭୨ ଟି ଅତିରିକ୍ତ ସିଟ୍ ବୃଦ୍ଧି କରାଯାଇଛି । ଏହି ସିଟ୍ ବୃଦ୍ଧି ଫଳରେ ଅଧିକ ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷାର ସୁଯୋଗ ମିଳିବ ବୋଲି ଆଶା କରାଯାଉଛି । ରାଜ୍ୟ ସାର୍ବଜନୀନ ବିଶ୍ୱ ବିଦ୍ୟାଳୟ ଗୁଡିକରେ ୧୨୧୬ଟି ଅତିରିକ୍ତ ସିଟ୍ ବୃଦ୍ଧି କରାଯାଇଛି । ସରକାରୀ କଲେଜଗୁଡିକରେ ୪୬୮୪ଟି ଅତିରିକ୍ତ ସିଟ୍ ବୃଦ୍ଧି କରାଯାଇଥିବା ବେଳେ ୪୮୮ ବର୍ଗ କଲେଜଗୁଡିକରେ ୩ ହଜାର ୪୧୬ଟି ଅତିରିକ୍ତ ଆସନ ବୃଦ୍ଧି କରାଯାଇଛି । ଏହା ସହ ଅନୁଦାନପ୍ରାପ୍ତ ୬୬୨ କଲେଜଗୁଡିକରେ ୧,୦୫୬ଟି ଅତିରିକ୍ତ ଆସନ ଯୋଡା ଯିବ ।