ମାହାଙ୍ଗା ନାବାଳିକା ମୃତ୍ୟୁକୁ ନେଇ ବଢୁଛି ଅଡୁଆ
ମାହାଙ୍ଗା(ବଡ଼ ଖବର ବ୍ୟୁରୋ): କଟକ ଜିଲ୍ଲା ମାହାଙ୍ଗା ବ୍ଲକର କୋପନପଡା ପଂଚାୟତର ସୁକୁଆପୋଡା ଗ୍ରାମରେ ଗତ ଜୁନ ମାସ ୧୮ ତାରିଖ ଦିନ ପ୍ରମୋଦ କୁମାର ଦାସଙ୍କ ଝିଅ ମୃତ୍ୟୁ ବରଣ କରିଥିଲେ l ପ୍ରାରମ୍ଭିକ ସ୍ତରରେ ଏକ ବାତ ଜନିତ ମୃତ୍ୟୁ ବୋଲି କହି ତାହାର ଶବ ସତ୍କାର କରିଥିଲେ l ପୋଲିସକୁ ନଜଣାଇବା ସହ ପୋଷ୍ଟମର୍ଟମ ମଧ୍ୟ କରାଯାଇନଥିଲା l
କିନ୍ତୁ ଏହି ମୃତ୍ୟୁ ଏକ ପ୍ରେମ ଜନିତ ଆତ୍ମହତ୍ୟା ଘଟଣା ବୋଲି ମାହାଙ୍ଗା ଅଂଚଳର ଜଣେ ରାଜନୈତିକ ବ୍ୟକ୍ତି ଓ ଅଭିଯୁକ୍ତ ମା’ର ଅଡିଓ ବାର୍ତ୍ତାଳପ ଟେପରୁ ସତ୍ୟ ପ୍ରଘଟିତ ହୋଇଥିଲା l ଏହି ଅଡିଓ ଭାଇରାଲ ପରେ ସ୍ଥାନୀୟ ସଂଗଠନର କିଛି ଯୁବକ ନ୍ୟାୟ ପାଇଁ ଦାବିକରିଥିବା ବେଳେ ଝିଅର ବାପା ଓ ଅନ୍ୟାନ୍ୟ କିଛି ବୁଦ୍ଧିଜୀବି ଏ ଅଡିଓ ଭାଇରାଲକୁ ଖଣ୍ଡନ କରିଛନ୍ତି l ବର୍ତ୍ତମାନ ସୁଦ୍ଧା ମାହାଙ୍ଗାରେ ଉତ୍ତେଜନା ଜାରିରହିଛି l ଏବଂ ଏହି ଘଟଣାରେ ଜଣେ ସମାଜସେବୀ ଦିଲ୍ଲୀପ ସାହୁ ଅଡିଓ ଟେପ ଆଧାରରେ ମାହାଙ୍ଗା ଥାନା ରେ ଅଭିଯୋଗ କରିଛନ୍ତି l