ଟାଟା ନିଷ୍ପତିକୁ ଓଇଆରସିଙ୍କ ସମ୍ମତି
ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ବିଦ୍ୟୁତ ଦର ବୃଦ୍ଧି ବିରୋଧରେ ରାଜ୍ୟ ବିଦ୍ୟୁତ ନିୟାମକ ଆୟୋଗଙ୍କ ନିକଟରେ ଦଖଲ ହୋଇଥିବା ରିଭ୍ୟୁ ପିଟିସନ ଖାରଜ ହୋଇଛି । ପଟିସନରେ ଅନେକ ତ୍ରୁଟି ଥିବା ଦେଖାଇ ଆୟୋଗ ଏହାକୁ ଖାରଜ କରିଦେଇଛନ୍ତି । ଦର ବୃଦ୍ଧି ନିର୍ଦ୍ଦେଶାନାମାରେ ପୁନଃ ସମୀକ୍ଷା ବଦଳରେ ପିଟିସନ ଏକ ଅପିଲ ବୋଲି ଆୟୋଗ କହିଛନ୍ତି । ଯାହାଦ୍ୱାରା ଦର ବୃଦ୍ଧି ବଳବତ୍ତର ରହିଛି । ଦରବୃଦ୍ଧି ବିରୋଧରେ ଆନନ୍ଦ ମହାପାତ୍ର ଓଇଆରସିଙ୍କ ନିକଟରେ ରିଭ୍ୟୁ ପିଟିସନ ଦାଖଲ କରିଥିଲେ । ପରେ ବିଭିନ୍ନ ପକ୍ଷର ଶୁଣାଣି କରାଯାଇଥିଲା ।
ପରବର୍ତ୍ତୀ ସମୟରେ ବିଦ୍ୟୁତ ଆଇନ ୨୦୦୩, ଟାରିଫ ପଲିସି ଜାତୀୟ ନୀତି ଓ ଅନ୍ୟ ରେଗୁଲେସନ ବିଚାରକୁ ନିଆଯାଇ ବୃଦ୍ଧି ଘୋଷଣା କରାଯାଇଛି । ପୂର୍ବରୁ ହୋଇଥିବା ନିର୍ଦ୍ଦେଶନାମାର ରିଭ୍ୟୁ କରିବା ଲାଗି ପିଟିସନରେ କୌଣସି ପ୍ରମାଣଯୋଗ୍ୟ ତଥ୍ୟ ନାହିଁ । ଆବେଦନକାରୀ ପିଟିସନ ତଥ୍ୟ ଆଧାରିତ ନୁହେଁ ବୋଲି ଆୟୋଗ ଦର୍ଶାଇଛନ୍ତି । ସେପଟେ କମିସନଙ୍କ ନିକଟରେ ଗ୍ରିଡକୋ ଓ ଓଟପିସିଏଲ ହୋଇଥିବା ଶୁଣାଣିର ରାୟ ଆସି ନଥିବା ଶ୍ରୀ ମହାପାତ୍ର କହିଛନ୍ତି ।