ରାସନ ଆଣିବାକୁ ଯାଇ ଭାସିଗଲେ ବୃଦ୍ଧ

ଯାଜପୁର (ବଡ଼ ଖବର ବ୍ୟୁରୋ): ବନ୍ୟା ଜଳରେ ଭାସିଗଲେ ବୃଦ୍ଧ । ଅଗ୍ନିଶମ ବାହିନୀ ଦ୍ୱାରା ମୃତଦେହ ଉଦ୍ଧାର । ମୃତକ ହେଲେ ଅକ୍ଷୟ ନାୟକ । ଏଭଳି ଘଟଣା ଘଟିଛି ଯାଜପୁର ଜିଲ୍ଳା ଶମିଳିଆ ପଞ୍ଚାୟତ ଓଲେଇପଡା ଗ୍ରାମରେ । ବୈତରଣୀ ନଦୀରେ ବନ୍ୟା ଆସିବା ଯୋଗୁ ଏହାର ଶାଖା ବୁଡ଼ା ନଦୀରେ ବନ୍ୟା ଜଳ ପ୍ରବାହିତ ହୋଇଛି । ଅକ୍ଷୟ ରାସନ ସାମଗ୍ରୀ ଆଣିବାକୁ ଯାଇଥିବାବେଳ ବନ୍ୟାଜଳରେ ଭାସିଯାଇଥିଲେ ।

ଖବର ପାଇ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଂଚି ବନ୍ୟା ଜଳରେ ଖୋଜାଖୋଜି କରିବାପରେ ଅକ୍ଷୟକୁ ଉଦ୍ଧାର କରିଥିଲେ । ପରେ ତାଙ୍କୁ ଯାଜପୁର ମୁଖ୍ୟ ଚିକିତ୍ସାଳୟକୁ ଆଣିଥିଲେ । ଡାକ୍ତର ଅକ୍ଷୟଙ୍କୁ ମୃତ ଘୋଷଣା କରିଥିଲେ । ଅକ୍ଷୟଙ୍କ ମୃତ୍ୟୁକୁ ନେଇ ଜିଲ୍ଲା ପ୍ରଶାସନ ନିକଟରେ କ୍ଷତି ପୂରଣ ଦାବି କରିଛନ୍ତି ପରିବାର ଲୋକେ ।