ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆରମ୍ଭ ହୋଇଛି ନୀତି ଆୟୋଗର ଷଷ୍ଠ ପରିଚାଳନା ପରିଷଦର ବୈଠକ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଭିଡିଓ କନଫରେନ୍ସିଂ ଜରିଆରେ ଆରମ୍ଭ କରାଯାଇଛି । ବୈଠକରେ ବିଭିନ୍ନ ଦେଶର ମୁଖ୍ୟମନ୍ତ୍ରୀଙ୍କ ସହିତ ଓଡିଶାର ମୁଖ୍ୟମନ୍ତ୍ରୀ ମଧ୍ୟ ଯୋଗ ଦେଇଛନ୍ତି । ବୈଠକର ଏଜେଣ୍ଡା ଭାବେ କୃଷି ଭିତିଭୂମି ଉତ୍ପାଦନ, ମାନବ ସମ୍ବଳ ବିକାଶ, ତୃଣମୂଳ ସ୍ତରରେ ସେବା ପ୍ରଦାନ ଏବଂ ସ୍ୱାସ୍ଥ୍ୟ ଓ ପୃଷ୍ଟିକର ସମ୍ବନ୍ଧିତ ବିଷୟରେ ସ୍ଥାନୀତ ହୋଇଛି ।
ଆନ୍ତଃ ବିଭାଗୀୟ ଏବଂ ସଂଘୀୟ ପ୍ରସଙ୍ଗ ଉପରେ ଆଲୋଚନା ହେବା ନେଇ ପରିଚାଳନା ପରିଷଦ ଏକ ପ୍ଲାଟଫର୍ମ ଉପସ୍ଥାପନା କରିଛି । ନୀତି ଆୟୋଗର ଉଚ୍ଚ ସ୍ତରୀୟ ପରିଷଦର ଏହି ବୈଠକରେ ସମସ୍ତ ରାଜ୍ୟ କେନ୍ଦ୍ର ଶାସିତ ଅଂଚଳର ମୁଖ୍ୟମନ୍ତ୍ରୀ, ଉପରାଜ୍ୟପାଳ, କେତେକ କେନ୍ଦ୍ରମନ୍ତ୍ରୀ ଓ ବରିଷ୍ଠ ସରକାରୀ ଅଧରକାରୀ ସାମିଲ ହେବେ ।
ଷଷ୍ଠ ବୈଠକରେ ପ୍ରଥମ ଥର ଲଦାଖ ଓ ଜମ୍ମୁ କାଶ୍ମୀରର ଅଧିକାରୀ ସାମିଲ ହେବେ । ବୈଠକରେ ପରିଚାଳନା ପରିଷଦର ପୂର୍ବତନ ଅଧିକାରୀ, ସଦସ୍ୟ, କେନ୍ଦ୍ରମନ୍ତ୍ରୀଗଣ, ଉପାଧ୍ୟକ୍ଷ, ନୀତି ଆୟୋଗରେ ସଦସ୍ୟ ତଥା ସିଇଓ ଏବଂ ଭାରତର ସରକାରଙ୍କ ଅନ୍ୟ ବରିଷ୍ଠ ଅଧିକାରୀ ଯୋଗ ଦେବେ । ତେବେ ଗତ ବର୍ଷ କରୋନା ସଂକ୍ରମଣ ପାଇଁ ବୈଠକ ବସିନଥିଲା ।
