‘ରାଜ୍ୟରେ ଶିକ୍ଷା ବ୍ୟବସ୍ଥା ଭୁଶୁଡ଼ି ପଡ଼ିଛି’
ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ବିଜେପି ଅନୁସୂଚିତ ଜାତି ମୋର୍ଚ୍ଚା ସଭାପତି ବିଭୁ ପ୍ରସାଦ ତରାଇଙ୍କ ସାମ୍ବାଦିକ ସମ୍ମିଳନୀ । କହିଛନ୍ତି ସମଗ୍ର ରାଜ୍ୟରେ ଶିକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଭୁଶୁଡ଼ି ପଡ଼ିଛି । ପିଜିଆଇରେ ଓଡ଼ିଶା ସବୁଠୁ ତଳେ । ୫ଟି ବିଭାଗ ଅଧିନରେ ସ୍କୁଲ କରି କେବଳ ପ୍ରଚାର କରୁଛନ୍ତି ରାଜ୍ୟ ସରକାର । ୫୦ ଲକ୍ଷ ଟଙ୍କା ବ୍ୟୟ କରି ସ୍କୁଲ ଭିତ୍ତିଭୂମି ନିର୍ମାଣ କରାଯାଇଛି । କିନ୍ତୁ ୧୯ ତାରିଖ ଛାତ ସିଲିଂ ଭୁଶୁଡ଼ି ଶିକ୍ଷୟତ୍ରୀ ପ୍ରିୟଦର୍ଶିନୀ ସେନାପତି ଗୁରୁତର ଆହତ ହୋଇଛନ୍ତି ଏବଂ ଅନ୍ୟ କର୍ମଚାରୀମାନେ ମଧ୍ୟ ଆହତ ହୋଇଛନ୍ତି ।
ଜଣେ ଗର୍ଭବତୀ ମହିଳା ମଧ୍ୟ ଘଟଣାସ୍ଥଳରେ ଥିଲେ । ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟତ୍ରୀ କେହି ସୁରକ୍ଷିତ ନାହାନ୍ତି । ୫୦ ଲକ୍ଷ ଟଙ୍କାର କାମରେ ଟେଣ୍ଡର ହୋଇନି । ବିଡ଼ିଓ କବିତା ମଞ୍ଜରୀ ନାଏକ କାମ ଠିକ୍ ହେଉଛି ବୋଲି କହିଥିଲେ । ପଢ଼ିଆରୀ ବିଦ୍ୟାପୀଠ ଏକ ସ୍ପଷ୍ଟ ଉଦାହରଣ, ଯେ ୫ଟି ସ୍କୁଲ ଗୁଡ଼ିକରେ ଠିକାଦାରୀ ମାଧ୍ୟମରେ ବ୍ୟାପକ ବିଜେଡି ନିର୍ବାଚନ ପାଣ୍ଠି ଆଦାୟ କରୁଛି । ସେଥିପାଇଁ ସରକାର ବ୍ୟବସ୍ଥା କରିଛନ୍ତି । ଟିମ୍ ୱାର୍କ ନାଁରେ ଲୁଟ କରାଯାଉଛି ।
୫୦ ଲକ୍ଷରୁ ୧୦ ଲକ୍ଷ ଖର୍ଚ୍ଚ ହୋଇଛି ବାକି ୪୦ ଲକ୍ଷ ଟଙ୍କା ଲୁଟ ହୋଇଛି । ୬ ମାସ ତଳେ ତିଆରି ହୋଇଥିବା ଛାତ କେମିତି ଭୁଶୁଡ଼ିଲା । ଏହା ଟେକନଲୋଜି ଉପରେ ପ୍ରଶ୍ନ ସୃଷ୍ଟି କରିଛି । ଭିତ୍ତିଭୂମି ସବଳ ହେବା ଜାଗାରେ ଦୁର୍ବଳ ହୋଇଛି । ୧୯ରୁ ଅଭିଭାବକ ମାନେ ସ୍କୁଲ ତାଲା ପକାଇ ରଖିଛନ୍ତି । ୫ଟି ସଚିବଙ୍କ ନିର୍ଦ୍ଦେଶରେ ତରବରିଆ ଭାବେ କାମ କରି ଉଦଘାଟନ କରାଯାଇଥିଲା ।
ଠିକାଦାର ପୋଷିବା ପାଇଁ ଏଭଳି ବ୍ୟବସ୍ଥା କରାଯାଇଛି । ଗୁଣାତ୍ମକ ଦୃଷ୍ଟିରୁ ଶିକ୍ଷା ବ୍ୟବସ୍ଥା ଠିକ୍ ଭାବେ ଚାଲିନି । ଛାତ୍ରଛାତ୍ରୀଙ୍କ ସଂଖ୍ୟା ଅନୁସାରେ ଶିକ୍ଷକ ନାହାଁନ୍ତି । ଦୁର୍ନୀତିର ଗନ୍ତାଘର ହୋଇଛି ଶିକ୍ଷାନୁଷ୍ଠାନ । ଲୁଟେରାମାନେ ଶିକ୍ଷାନୁଷ୍ଠାନ ଗୁଡିକୁ ଲୁଟ କରୁଛନ୍ତି । ବିଡ଼ିଓ ଏବଂ ଜେଇଙ୍କୁ ନିଲମ୍ବନ କରାଯାଉ । ଜିଲ୍ଲାପାଳଙ୍କୁ ପଠାଇ ସମସ୍ୟାର ସମାଧାନ କରାଯାଉ ।