ଭାରତ ସହ ସୁସମ୍ପର୍କ ଯୋଡ଼ିବାକୁ ଚିଠି ଲେଖିଲା ତାଲିବାନ
(ବଡ଼ ଖବର ବ୍ୟୁରୋ): ଭାରତ ସହ ସୁସମ୍ପର୍କ ଯୋଡ଼ିବାକୁ ଚିଠି ଲେଖିଲା ତାଲିବାନ । ସମସ୍ତ ପ୍ରକାର ସାହାଯ୍ୟ ଓ ସହଯୋଗ କରିବାକୁ କହିଛି ତାଲିବାନ । ଆଫଗାନିସ୍ତାନକୁ ବିମାନ ଚଳାଚଳ କରିବା ପାଇଁ ଭାରତକୁ ଚିଠି ଲେଖିଛି ତାଲିବାନ । ଏହା ସହ ମଧ୍ୟ ଅନ୍ୟ ରାଷ୍ଟ୍ରକୁ ବିମାନ ଚଳାଚଳ କରିବାକୁ ଚିଠି ଲେଖିଥିବା ଜଣାପଡ଼ିଛି ।
କାବୁଲ ଅନ୍ତର୍ଜାତୀୟ ବିମାନ ବନ୍ଦରକୁ ସମସ୍ତ ପ୍ରକାରର ବାଣିଜ୍ୟିକ ବିମାନ ଚଳାଚଳ ପାଇଁ ତାଲିବାନ ଭାରତକୁ ଚିଠି ଲେଖି ଯୋଗାଯୋଗ କରିଛି । ଏ ସମ୍ପର୍କରେ ବେସାମରିକ ବିମାନ ଚଳାଚଳ ମନ୍ତ୍ରାଳୟ କୌଣସି ନିଷ୍ପତି ନେଇନଥିବା ସୂଚନା ମିଳିଛି । ଏଥିରେ ସମସ୍ତ ପ୍ରକାରର ସହଯୋଗ କରିବ ବୋଲି ତାଲିବାନ କହିଛି ।
ପୂର୍ବରୁ କାବୁଲ ବିମାନ ବନ୍ଦରରେ ଥିବା ସବୁ ସମସ୍ୟାର ସମାଧାନ ହୋଇସାରଛି । ଏହା ସମ୍ପୂର୍ଣ୍ଣ ରୂପେ କାର୍ଯ୍ୟକ୍ଷମ ହୋଇ ସାରିଥିବା ତାଲିବାନି ପ୍ରବକ୍ତା ଅବଦୁଲ କହର ବଲଖି କହିଛନ୍ତି । କାବୁଲ ବିମାନ ବନ୍ଦରରେ ଆତଙ୍କର ମାହୋଲ ଦେଖିଥିଲୋ ସାରା ବିଶ୍ୱ ।। ଆମେରିକା ସେନା ଆଫଗାନ ମାଟି ଛାଡିବା ପରେ ତାଲିବାନ ସେନା କାବୁଲ ଏୟାରପୋର୍ଟକୁ ନିଜ ଅଧିନକୁ ନେଇଥିଲା । ଏବେ ଭାରତକୁ ବେସାମରିକ ବିମାନ ଚଳାଚଳ ପାଇଁ ଅପିଲ କରିଛି ତାଲିବାନ ।
