ସ୍କୁଟି ଉପରେ ଚଢିଗଲା ଟ୍ରକ, ଆଖି ବୁଜିଲେ ବାପା-ପୁଅ

କେନ୍ଦୁଝର (ବଡ଼ ଖବର ବ୍ୟୁରୋ): ଦୁଃଖଦ, ଦାରୁଣ, ହୃଦୟବିଦାରକ । ସ୍କୁଟି ଉପରେ ଚଢିଗଲା ଟ୍ରକ । ଆଖିବୁଜିଲେ ବାପା-ପୁଅ । କେନ୍ଦୁଝର ଜିଲ୍ଲା ୨୦ ନମ୍ବର ଜାତୀୟ ରଜପଥ ପିପିଳିଆ ଛକ ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା। ସ୍କୁଟି ଉପରେ ଏକ ଲୁହା ରଡ଼ ବୋଝେଇ ଟ୍ରକ୍ ଚଢ଼ି ଯାଇଥିବା ବେଳେ ସ୍କୁଟିରେ ଥିବା ବାପା ପୁଅଙ୍କ ମୃତ୍ୟୁ ଘଟିଛି ।

ମୃତକ ହେଲେ ବାରିଗାଁ ଅଂଚଳର । ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟଥିବାବେଳେ ଅନ୍ୟ ଜଣଙ୍କର କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ମୃତ୍ୟୁ ଘଟିଛି। ଘଟଣାସ୍ଥଳେ ଉତ୍ତେଜନା ପ୍ରକାଶ ପାଇବା ସହ ଲୋକେ ଏନ୍ ଏଚ ୨୦କୁ ଅବରୋଧ କରି ଗାଡି ଚଳାଚଳ ବନ୍ଦ କରିଛନ୍ତି । ଘଟଣାସ୍ଥଳରେ ପୋଲିସ୍ ପହଞ୍ଚି ତଦନ୍ତ ଚଳାଇଛି ।