ଭାରତକୁ ସହଯୋଗ କରିବ ଆମେରିକା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କରୋନାର ଦ୍ୱିିତୀୟ ଲହର ସାରା ଭାରତରେ ଭୟର ବାତାବରଣ ଖେଳାଇଦେଇଛି । ଏହି ଅବସରରେ ଭାରତକୁ ସହାୟତାର ପ୍ରତିଶ୍ରୁତି ଦେଇଥିବା ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ସହ ନରେନ୍ଦ୍ର ମୋଦି ଆଲୋଚନା କରିଛନ୍ତି । ଭାରତକୁ ଆବଶ୍ୟକୀୟ ସହାୟତା ଦେବା ନେଇ ଫୋନ୍ ଯୋଗେ ଆଲୋଚନା ହୋଇଛି । ଏହାପୂର୍ବରୁ ଭାରତରେ ଅଧିକରୁ ଅଧିକ କୋଭିସିଲ୍ଡ ଟିକା ଉତ୍ପାଦନ କରିବା ଲାଗି ଆମେରିକା ଆବଶ୍ୟକୀୟ କଂଚାମାଲ ଓ ଅନ୍ୟ ମେଡ଼ିକାଲ ଉପକରଣ ଯୋଗାଇଦେବ ବୋଲି ପୂର୍ବରୁ ଘୋଷଣା କରିଥିଲା ।
ଏନେଇ ଆମେରିକା ଜାତୀୟ ସୁରକ୍ଷା ପରାମର୍ଶଦାତା ଜେକ୍ ସୁଲିବାନ ଓ ତାଙ୍କ ଭାରତୀୟ ପ୍ରତିପକ୍ଷ ଅଜିତ ଡୋଭାଲଙ୍କ ମଧ୍ୟରେ ଆଲୋଚନା ହୋଇଥିଲା । ଏହାସହ କରୋନା ଟେଷ୍ଟିଂ କିଟ, ଭେଣ୍ଟିଲେଟର ଓ ପିପିଇ କିଟ୍ ଯୋଗାଇ ଦେବା ସମ୍ପର୍କରେ ମଧ୍ୟ ଆଲୋଚନା ହୋଇଥିବା ହ୍ୱାଇଟହାଉସ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଥିଲା ।