ଲଗାଣ ବର୍ଷାରେ ଭୁଶୁଡ଼ିଲା କାନ୍ଥ

ଟାଙ୍ଗୀ (ବଡ଼ ଖବର ବ୍ୟୁରୋ): ଲାଗି ରହିଛି ଲଘୁଚାପ ଜନିତ ବର୍ଷା । ଅସ୍ତବ୍ୟସ୍ତ ହୋଇପଡିଛି ଜନଜୀବନ । ଲଗାଣ ବର୍ଷାରେ ଖୋର୍ଦ୍ଧା ଜିଲ୍ଲା ନିରାକାରପୁର ଡିଏଭି କଲେଜ ଶ୍ରେଣୀଗୃହର କାନ୍ଥ ଭୁଶୁଡ଼ି ପଡ଼ିଛି । ଅପବ୍ୟବହୃତ ଟେବୁଲ ବେଞ୍ଚ ସହିତ ଅନାନ୍ୟ କାଠ ସାମଗ୍ରୀ ଉପରେ କାନ୍ଥ ଭୁଶୁଡ଼ି ପଡ଼ିଛି । ସେପଟେ କାନ୍ଥଟିର କିଛି ଅଂଶ ମୁଖ୍ୟରାସ୍ତା ଉପରେ ପଡ଼ି ରହିଛି । ସାଧାରଣ ଲୋକଙ୍କ ଯାତାୟତରେ ଏବେ ଅସୁବିଧା ଉପୁଜିଛି । ରାସ୍ତାରେ ଗାଡ଼ି ଚଳାଚଳ ହୋଇପାରୁନାହିଁ । ରାସ୍ତା ଉପରୁ ଶୀଘ୍ର ଭଙ୍ଗାକାନ୍ଥ ହଟାଇବା ଲାଗି କହିଛନ୍ତି ସ୍ଥାନୀୟ ଲୋକେ ।