ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
ପିପିଲି (ବଡ ଖବର ବ୍ୟୁରୋ): ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ | ଗଡିଶାଗୋଦା ଥାନା ଅଞ୍ଚଳରେ ଯୁବକଙ୍କୁ ହତ୍ୟା ଅଭିଯୋଗ । କଥା କଟାକଟିରୁ ବରପଦା ଗ୍ରାମର ଦିଲିପ ମହାପାତ୍ରଙ୍କୁ ହତ୍ୟା | କୈାଣସି କାମରେ ଦିବ୍ୟସିଂହପୁର ପଞ୍ଚାୟତର ବ୍ରାହ୍ମଣପାଟଣା ଯାଇଥିଲେ ଦିଲିପ । ଦିଲିପ ଏକ ଘଟଣାର ମଧ୍ୟସ୍ଥତା କରୁଥିବାରୁ ହତ୍ୟା କରିଯାଇଥିବା ଅଭିଯୋଗ।
ଏକ ଧାରୁଆ ଅସ୍ତ୍ରରେ ଆକ୍ରମଣ ଫଳରେ ମୃତ୍ୟ ବରଣ କରି ରାସ୍ତା କଡରେ ପଡିଥିଲେ ଦିଲିପ । ଗତକାଲି ବିଳମ୍ବିତ ରାତିରେ ଘଟିଛି ଏହି ଘଟଣା । ଘଟଣାସ୍ଥଳରେ ଗଡିଶାଗୋଦା ପୋଲିସର ତଦନ୍ତ ଜାରି ରହିଛି। ଏବଂ ପୋଲିସ ଜଣଙ୍କୁ ଉଠାଇନେଇ ଅଟକ ରଖି ପଚରାଉଚରା କରୁଛି | ହତ୍ୟା କରାଯାଇଥିବା ଯୁବକ ନାବାଳିକା ଅପହରଣ ମାମଲାରେ ମଧ୍ୟସ୍ଥତା କରିବା ପାଇଁ ଯାଇଥିବା ବେଳେ ଯୁବକକୁ ହତ୍ୟା କରାଯାଇଥିଲା ବୋଲି ଅଭିଯୋଗ ହୋଇଛି । ଏନେଇ କଣାସ ଗଡ଼ିଶାଗୋଦା ପୋଲିସ ଘଟଣାର ତଦନ୍ତ ଜାରି ରଖିଛନ୍ତି।