ସୋର(ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ସୋର ଥାନା କେଦାରପୁର ଗ୍ରାମ ର କମ୍ଭୁନାଥ ନାୟକଙ୍କ ୩୦ବର୍ଷୀୟ ପୁଅ ସୁରଞ୍ଜନ ନାୟକଙ୍କ ସନ୍ଦେହ ଜନକ ଭାବରେ ମୃତ୍ୟୁ ହୋଇଛି । କିନ୍ତୁ ପୋଲିସ ପହଂଚିବା ପୂର୍ବରୁ ତରବରିଆ ଭାବରେ ଶବକୁ ଜାଳିଦେଲେ ପରିବାର ଲୋକ । ଗତକାଲି ରାତିରେ ସୁରଞ୍ଜନ କାମ ସାରି ମଦ୍ୟ ପାନ କରି ଘରକୁ ଫେରିଥିଲେ ।
ଘରେ ଶୋଇଥିବାବେଳେ ପୁଅର ମୃତ୍ୟୁ ହୋଇଥିବା ବାପା ପ୍ରଥମେ ଦେଖିଥିବା କହିଥିଲେ । କିନ୍ତୁ ଏହା ଦେଖିବା ପରେ ପୁଅକୁ ଡାକ୍ତରଖାନା ନନେଇ କିମ୍ବା ପୋଲିସକୁ କୌଣସି ସୂଚନା ନଦେଇ ତରବରିଆ ଭାବରେ ଶବ ଦାହ କରାଯିବା ଘାଟଣା ଅନେକ ସନ୍ଦେହ ସୃଷ୍ଟି କରିଛି । ଖବର ପାଇଁ ସୋର ପୋଲିସ ବିଭିନ୍ନ ଦିଗକୁ ନେଇ ତଦନ୍ତ ଆରମ୍ଭ କରିଥିବା ବେଳେ ସୁରଞ୍ଜନର ହାଟଚୋକରେ ମୃତ୍ୟୁ ହୋଇଥିବା ପରିବାର ଲୋକ କହୁଛନ୍ତି । ବାସ୍ତବରେ ମୃତ୍ୟୁର ରହସ୍ୟ ସ୍ପଷ୍ଟ ହୋଇ ନଥିବା ବେଳେ ବିଭିନ୍ନ ଦିଗକୁ ନେଇ ସୋର ପୋଲିସ ତଦନ୍ତ ଆରମ୍ଭ କରିଛି ।
