ବାଣ ଦୋକାନରେ ଲାଗିଲା ଭୟଙ୍କର ନିଆଁ
ଚେନ୍ନାଇ(ବଡ଼ ଖବର ବ୍ୟୁରୋ): ତାମିଲନାଡୁର କଲ୍ଲାକୁରିଚି ଜିଲ୍ଲାର ଶଙ୍କପୁରମରେ ମଙ୍ଗଳବାର ବିଳମ୍ବିତ ରାତିରେ ଏକ ବାଣ ଦେକାନରେ ନିଆଁ ଲାଗି ୫ ଜଣଙ୍କର ମୃତ୍ୟୁ ହୋଇଛି । ତେବେ ମୃତକଙ୍କ ମଧ୍ୟରେ ଦୋକାନର ମାଲିକ ଓ ତାଙ୍କର କର୍ମଚାରୀ ଥିବା ଜଣାପଡିଛି । ଏହି ଘଟଣାରେ ଆହୁରି ୧୦ ଜଣ ପୋଡି ଯାଇଛନ୍ତି ।
ସେମାନଙ୍କ ଅବସ୍ଥା ଗୁରୁତର ରହିଥିବା ସୂଚନା ମିଳିଛି । ସମସ୍ତଙ୍କୁ କଲ୍ଲାକୁରିଚି ସ୍ଥିତ ସରକରୀ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ନିଆଁ କେମିତି ଲାଗିଲା ତାହା ଏ ଯାଏଁ ଜଣାପଡିନାହିଁ । ଦୋକାନରେ ନିଆଁ ଲାଗିବା ପରେ ସେଠାରେ ବିଷ୍ଫୋରଣ ହୋଇ ଆଖପାଖରେ ଥିବା ଦୋକାନ ଗୁଡିକରେ ନିଆଁ ଲାଗି ଯାଇଥିଲା । ନିଆଁରେ ଅନ୍ୟମାନେ ଆଘାତ ହୋଇଥିବା ମଧ୍ୟ ଜଣାପଡିଛି । ତେବେ ତାମିଲନାଡୁର ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ସହାୟତା ଘୋଷଣା କରିଛନ୍ତି ।